Долоо хоног хүрэхгүй хугацаанд хоёр баривчилгаа, цаашлаад дахин нэг баривчилгаа болов. Энэ бол Өршөөлийн хуулийг баталж, албан тушаалын хэргийг өршөөхгүй гэсэн шийдвэр гарсны маргааш нь л эхэлсэн гэж буй. Энэ олон баривчилгаа хүн бүхэнд нэг таамаг дэвшүүлэхэд хүргэсэн. Хамгийн гол нь дээрх баривчилгааг явуулахдаа оройн цагаар, гэрээс нь болон албан өрөөнөөс нь баривчилсан. Харин үүний араас хийсэн мэдээллүүдийн дийлэнх нь “улс төрийн дайралт” гэсэн өнцгөөс харж хийсэн гэхэд болно. Тиймээс энэ удаагийн “Онцлох хуудас” булангаараа баривчилгааг онцолж байна.
Б.Батзаяаг гэрээс нь баривчилжээ
2015.10.31: Эрүүгийн цагдаагийн газрын Эдийн засгийн гэмт хэрэгтэй тэмцэх тасгийнхан Зам, тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяаг өнгөрсөн шөнө гэрээс нь баривчилжээ. Түүнийг баривчилсан даруйдаа Зайсан дахь хорих газар саатуулсан байна. Түүнээс гадна Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирлыг баривчилсан байна. “Самсунг С&Т” компани нь албан ёсны “Самсунг” компанитай холбоогүй гэх мэдээлэл өмнө цацагдаж байсан. Дээр нь огт тендер зарлалгүйгээр төмөр замын ажлыг хийлгэхээр шалгаруулсан тухай мэдээлэл бий. Хэдэн зуун сая долларын хөрөнгө оруулалттай ажлыг ердөө 100 мянган долларын дүрмийн сантай компаниар гүйцэтгүүлэхээр болсон нь ашиг сонирхлын зөрчилтэй, авлига хээл хахуулийн хэрэгт холбогдсон тухай баттай эх сурвалжууд хэлж байна. Одоогоор Чингис бондны мөнгөнөөс 260 сая орчим долларыг зарцуулсан ч төмөр замын ажил дуусаагүй байгаа юм. Энэхүү хэрэгт тухайн үед Зам тээврийн сайд байсан хүмүүсийг ч татаж магадгүй байгаа аж. Эхний ээлжинд байцаалт авахаар төлөвлөөд байгаа гэнэ. Ийнхүү Монголын төмөр замтай холбоотой хэргийн дуулиан дэгдлээ.
/Эх сурвалж: http://www.news.mn/content/226358.shtml /
ЭМЯ-ны ТНБД Г.Ганчимэгийг өчигдөр шөнө баривчилжээ
2015.11.11: Эрүүл мэнд, спортын сайд Г.Шийлэгдамбыг АТГ-аас Эрүүгийн хуулийн тусгай ангийн 268-д зааснаар хээл хахууль авах гэсэн зүйл ангиар хэрэг үүсгэн сэжигтнээр татаж, 14 хоног 461-р ангид хорихоор болсон. Мөн түүнтэй хамт 4-5 хүнийг шалган, тайлбар мэдүүлэг авч эхэлсэн тухай МАХН-аас мэдээлсэн. Гэтэл өчигдөр орой 18.30 цагийн орчимд ЭМС-ын яамны төрийн нарийн бичгийн дарга Г.Ганчимэгийг хахуулийн хэрэгт сэжигтнээр татаж, АТГ-аас баривчилжээ. Энэ талаар өчигдөр манай сайт ЭМС-ны эх сурвалжаас тодруулахад “Байцаалт авч, шалгаж байгаа нь үнэн ч цагдан хориогүй” гэх тайлбарыг өгч байсан билээ.
2015.11.13: Зам тээврийн яамны Төрийн нарийн бичгийн дарга асан, “Монголын төмөр зам” ТӨХК-ийн ТУЗ-ийн дарга асан Б.Батзаяа, Ухаахудаг-Гашуун сухайтын чиглэлийн төмөр замын ажлыг гүйцэтгэж байсан Өмнөд Солонгосын “Самсунг С&Т” компанийн захирал Ли Жон Гёл нарыг өнгөрсөн сарын 30-нд баривчлан хорьсон. Тэгвэл тэднийг цагдан хорих хугацаа өнөөдөр дууссан байна. Тэгвэл тэдний цагдан хорих хугацааг сунгах уу, үгүй юу гэдэг асуудлыг Баянзүрх, Сүхбаатар, Чингэлтэй дүүргийн шүүхэд хэлэлцэж, Б.Батзаяа болон Солонгосын “Самсунг С&Т” компанийн захирал Ли Жон Гёлыг батлан даалтад гаргахаар болсон байна.
Үргэлжлэлийг эндээс уншина уу