Спорт
・Нийтэлсэн:
Отгонхүү
・
2017 11 сар 29
MGL-1 холбооны FIGHT NIGHT холимог тулаан арванхоёрдугаар сарын 15-ны шөнө Спортын төв ордонд болохоор тов гарчээ. Тус тулааныг MGL-1 холбоо болон SPS телевиз хамтран зохион байгуулж байгаа юм.
MGL FIGHT NIGHT-ийн шөнө нийт 9 тулаан болох бөгөөд онцлох гурван тулааныг танилцуулая.
З.ШИНЭЧАГТГА vs О.ПҮРЭВ
MGL-1 FIGHT NIGHT-ын Оргил тулаан 66 кг-ийн жинд болно. Энэхүү тулаанд оролцох хоёр тулаанч нь 2015 оны кик боксын 60 кг жингийн сорилт халз тулаанд таарч тулалдаж байсан аж. Тус тулаанд Ширэн бээлий клубийн тамирчин лантуун гарт хэмээх хочтой З.Шинэчагтга баруун гарын хүнд цохилтоор ялалт байгуулж улмаар тэр жилдээ кик боксын 60 кг жингийн аварга болжээ. Электрон жаал хочит О.Пүрэв нь 2012 онд MGL-1 холимог тулааны 60 кг жингийн аварга Б.Дамланпүрэвтэй эн тэнцүү тулалдаж, шүүгчдийн саналаар ялагдал хүлээж байсан. 2014 оны MGL-1 холимог тулааны 57 кг жингийн аварга, холимог тулаанаар 5дахь жилдээ тулалдаж байгаа З.Шинэчагтга 2017 оны холимог тулааны “МАСТЕР ТУЛААНЧ” шоуны ялагч ажээ.
А.УУГАНБАЯР vs Ц.БАТНАСАН
Монголд анх удаа холимог тулааны 52 кг-ийн жингийн тулаан 12 сарын 15-ны шөнө болно. Энэ тулаанд Монгол улсаа төлөөлж Япон улсад тулалдаж байсан MGL-1 Холимог тулааны 57 кг ийн 2014, 2015,2016 оны 2 байрны шагналт “Наруто” хочит А. Ууганбаяр нь Боксийн суурьтай өрсөлдөгчдөө илт давуу гарын цохилтоор буулган авч, ялалт байгуулан гарч ирсэн Ц.Батнасан тулалдах юм.
Г.БАТТӨМӨР vs У.БАТЗОРИГ
2017 оны Мастер тулаанч шуоны ялагчаар тодорч, бүх өрсөлдөгчдөө гарт өчих мэхээр ялсан “Өчилтийн мастер” Г.Баттөмөр нь каратэ суурьтай залуу тамирчин У.Батзоригтой 70 кг-ийн жинд халз тулахаар болжээ.
У. Батзоригийн хувьд 2017 оны арваннэгдүгээр сарын 5-нд болсон сорилт тулаанд өрсөлдөгч тамирчдаа илт давуу буулган авч, FIGHT NIGHT-ийн дэвжээнд тулалдах эрхээ олж авсан. Энэ удаа даагаа нэхэх тулаан хийх гэж байна.
Б.АМАРТҮВШИН
Манай сайт танд таалагдаж байвал LIKE хийгээрэй. Танд баярлалаа.