Үс шинээр үргээлгэх буюу засуулбал сайн

Нийгэм ・Нийтэлсэн: Баярмаа 2019 05 сар 27

​​​​​​​Өнөөдөр аргын тооллын 2019 оны тавдугаар сарын 27. Даваа гараг. Билгийн тооллын XVII жарны “Урвуулагч” хэмээх шороон гахай жилийн Зуны тэргүүн шарагчин могой сарын шинийн 23. Сумъяа гараг. Чөдөр одтой, долоон улаан мэнгэтэй хөх хулгана өдөр. 

Барилдлага: Идэр
Шүтэн барилдлага: Сансар 
Суудал: Гал

Өдрийн наран 5 цаг 01 минутад мандан, 20 цаг 35 минутад жаргана. 00:34 цагт сар тал болно. Тухайн өдөр луу, бич жилтнээ аливаа үйлийг хийхэд эерэг сайн. Эл өдөр эе, эвээ ололцох, хамтын хөдөлмөр эхлэх, гэрээ хэлцэл байгуулах, найр хурим хийх, бэр гуйх, инж өгөх, авах, үнэт эрдэнийн зүйл авах, гарагийг тахих, хүүхэд үрчлэн авах, урлан бүтээхэд сайн.

Улаа гаргах, хиншүү хярвас гаргах, төлөг тавих, морь уралдахад муу. Өдрийн сайн цаг нь хулгана, үхэр, туулай, морь, бич, тахиа болой. Хол газар яваар одогсод зүүн урагш мөрөө гаргавал зохистой. Үс шинээр үргээлгэх буюу засуулбал эд, эдлэл, идээ, ундаа олно хэмээжээ. 


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх