Өнөөдөр, маргааш, нөгөөдөр ОХУ-аас 500 оюутнаа татан авна

Нийгэм ・Нийтэлсэн: Отгонхүү ・ 2020 05 сар 25 ・ 1

Улсын Онцгой комиссын шийдвэрээр ОХУ-аас энэ долоо хоногт нийт 500 оюутныг татан авна. Тодруулбал, ОХУ-ын Европ тивийн хэсэг дэх хотуудын иргэд, оюутнуудыг Москва-Улаанбаатар чиглэлийн тусгай захиалгат нислэгээр өнөөдөр татан авах бол Уралын нуруу дагуух, Баруун Сибирийн хотуудын иргэд, оюутнуудыг Хиагт-Алтанбулагийн хилийн боомтоор ирэх 26,27-ны өдрүүдэд хэсэгчлэн хүлээн авна.

Өнөөдрийн байдлаар ОХУ-ын хэмжээнд эх орондоо буцах хүсэлт гаргасан 1000 орчим монголчууд байгаа бөгөөд энэ удаагийн татан авалтуудаар тэдний 50 орчим хувь нь эх нутагтаа ирэх юм.

Манай улс нэгдүгээр сарын 26-наас хойш 8000 гаруй иргэнийг гадаад улсаас татан авсан бөгөөд 15 удаагийн агаарын тээврийн татан авалтаар 3000 гаруй хүн, төмөр зам, бусад хилээр орж ирсэн 5007 хүн байна. Сүүлийн долоо хоногийн байдлаар ОХУ-аас агаарын хөлөг болон Алтанбулаг боомт, Турк, Энэтхэгээс нийтдээ 1070 хүнийг татан авчирсан. Өнөөдрийн байдлаар 46 улсаас 10 мянга 761 иргэн эх орондоо ирэх хүсэлтээ ирүүлээд байгаа ажээ.

Үндэсний шуудан сонин

Манай сайт танд таалагдаж байвал LIKE хийгээрэй. Танд баярлалаа.

Сэтгэгдэл үлдээх
Сэтгэгдэлтэй холбоотой санамж, хүсэлтүүд

1 Сэтгэгдэлтэй
Сэтгэгдэлүүд харагдах байдал:

  • Зочин / 2020 05 сар 25/

    Японоос авчрахгуй юм байх даа.тэнд их тугшууртэй.байнга л газар худелж. чичирч байдаг гэсэн ш дээ.ирэх 6-8 саруудад газар хедлелтийн гамщиг болж магадгуй гээд анхааруулга дохио санамж егеед байгаа гэсэн.

    Хариулах