Улстөр
・Нийтэлсэн:
Отгонхүү
・
2020 06 сар 12
・ 17
(Хан-Уул дүүргийн сонгогчдод зориулав)
Намайг “Мунзуй” хочит Ганбаатарын Нямдорж гэдэг. Дөчин мянгатад хүн болж өссөн гэхэд болно. Алдсан алдаа бий. Гэхдээ түмэн олны өмнө хийсэн гэм нүгэл, алдаа байхгүй. Харин өөрөө өөрийгөө шорон руу чирсэн алдаа байдаг юм.
Сүүлийн үед 461-р ангиас УИХ-ын сонгуульд нэр дэвшигч Нямтайширийн Номтойбаярыг “Хэлмэгдэгч” хэмээн бичиж эхлэв. Түүний аав “МАК”-ийн Ерөнхийлөгч Б.Нямтайшир “Миний хүүг хэлмэгдүүллээ” хэмээн сонгогчдод ярьж байна.
Хан-Уул дүүргийн иргэдэд ойлгомжгүй, ой санамжаас арчигдсан олон асуултууд бий. Хэвлэл мэдээллийн хэрэгслээр гарсан хүүгийнхээ бүх мэдээг Нямтайшир та устгуулсан ч намайг алга болгож чадахгүй ээ. Танай хүү Н.Номтойбаяр “Le Triskell” бааранд Б.Баттулгыг хутгалж ХЭЛМЭГДҮҮЛЭЭГҮЙ гэж үү.
Уг хэргийн гэрч миний биеийг “Догшин ширүүн авирласан” гэж буруутгагдаад зогсохгүй “МАК”-ийн хуулийнхан намайг хоёр удаа зохиомол хэргээр ял өгч ХЭЛМЭГДҮҮЛЭЭГҮЙ гэж үү. Намайг хэвлэлээр удаа дараа гүтгэн дэвсэлж алуурчин, дээрэмчин, хулгайч сул чөлөөтэй яваа мэт зарлаж байсан. Би юу ч хэлээгүй, хэлмэгдлээ гэж Н.Номтойбаяр шиг орилоогүй. УИХ-ын гишүүний эрх мэдэл сүр хүчинд дулдуйдан хичнээн олон жил хуульгүй мэт амьдрах гэсэн юм бэ?
Нямтайширийн гэр бүл ээ. Би асуух зүйл байна. Эдгээр иргэд, аж ахуйн нэгж, газар шороог та бүхэн хэлмэгдүүлээгүй, хар сүүдрээ тусгаагүй гэж үү
Б.Нямтайшир та уул уурхайн 27 ордыг хууль бусаар эзэмшиж Монголын ард түмний хөрөнгийг булаагаагүй гэж үү. Та нар эхээс төрөхдөө вагон вагонаар алт, зэс, нүүрс тэвэрч төрөөгүй гэдгээ санаарай. Ард түмний өмч байгалийн баялгаар бүхнийг худалдан авч шударга ёсыг уландаа гишгэн ХЭЛМЭГДҮҮЛЭЭГҮЙ гэж үү.
1. Номтойбаяр Булган аймгийн Хутаг-Өндөр сумын нутаг, Уньт багийн “Дондогийн булаг” гэх газарт хүн дайрч, амь насыг нь хөнөөж ХЭЛМЭГДҮҮЛЭЭГҮЙ гэж үү.
2. УИХ-ын дэд дарга асан Г.Батхүү нүдэндээ цохиулан ордоны гонх руу унан нас барж ХЭЛМЭГДЭЭГҮЙ гэж үү.
3. УИХ-ын гишүүн Бадамдамдины хүү Баби, “Эрэл” компанийн захирал Б.Эрдэнэбатын хүү Жаргалан, Ерөнхийлөгч Х.Баттулгын хүү Жавхлан, иргэн С.Ганбаатар, Батзориг, Үндэсний хөрөнгө оруулалт банкны Батмөнх, дуучин Т.Дэлгэрмөрөн, “Анод” банкны захирал нарыг хэрцгийгээр зодон танхайрч ХЭЛМЭГДҮҮЛЭЭГҮЙ гэж үү.
4. Бие хамгаалагч Б.Батзориг Н.Номтойбаярын дарамтаас айн эхнэр хүүхдээ дагуулан ОХУ хил даван өдгөө Франц улсад амьдарч байна. Түүний аав ор сураггүй алга болж ХЭЛМЭГДЭЭГҮЙ гэж хэлэх үү.
5. Эрчим хүчний сайд асан Д.Зоригтод 600 сая төгрөг, ТЗХЭГ-ын даргад 50 мянган ам.доллар,“Chivas-21” виски, Европын Сэргээн босголт банкнаас зээл авахын тулд Ерөнхий сайд С.Баярыг лоббидон Засгийн газрын баталгаа гаргуулж авлига хүнд суртлыг цэцэглүүлэн шударга ёсыг ХЭЛМЭГДҮҮЛЭЭГҮЙ гэж үү.
6. Хэнтий аймгийн Хар зүрхний Хөх нуур, Хөвсгөлийн Шишгэд, Сэлэнгийн Хүдэрт нууц амралтын бааз, ангийн отго байгуулан улс төрчид хийгээд гэр бүлээрээ зугаацан цэнгэж байгаль дэлхийг ХЭЛМЭГДҮҮЛЭЭГҮЙ гэж үү.
7. Н.Номтойбаяр бамбаруушаа дагуулсан эх баавгайг буудан зугаацаж ан амьтан ХЭЛМЭГДҮҮЛЭЭГҮЙ гэж үү.
1937 оны хэлмэгдэгч нартай өөрийгөө зүйрлэсэн Н.Номтойбаяр та монголчуудын өмч “Цагаан суварга” ордыг ард түмэнд эргүүлэн өг. Хичнээн иргэд, аж ахуйн нэгж хохироосон, хэлмэгдүүлсэндээ танай гэр санаа зовдоггүй гэж үү.
Нямтайширийн Цэлмүүн тэрбум төгрөгөөр онгоц захиалан очер дайран орж ирэхдээ санаа зовдоггүй юм уу. Эрх мэдлээ хадгалахын тулд иргэдийн сонгох эрхийг худалдан авч байгаадаа ичээрэй. Танай гэр бүл жирийн иргэдтэй уулзах нь бүү хэл гэр хорооллоор явахаас сэжиглэдэг биздээ. Энэ гэр бүлийн хууль хяналтыг атгасан МАНАН мафитай олон жил шоронд ортлоо илчилж хэлмэгдсэн иргэний хувьд хэлэхэд “Нямтайшир чи бурхан биш, ард түмний хоолыг булаасан хулгайч."
ХАН-УУЛ ДҮҮРГИЙН ИРГЭН ГАНБААТАРЫН НЯМДОРЖ
Манай сайт танд таалагдаж байвал LIKE хийгээрэй. Танд баярлалаа.