Шинэ он хаяанд ирчихлээ. Баярын үдэшлэгт хамгийн сайхан нь байхыг хүсдэггүй эмэгтэй гэж үгүй. Үүний тулд мэдээж танд гоёлын даашинз хамгийн том нөлөөтэй. Жил бүрийн гоёлын даашинзны хэв маяг өөрчлөгдөж байгаа энэ үед даашинзаа сонгоход зарим зүйлийг анхаарах хэрэгтэй. Тиймээс энэ талаарх чухал мэдээллийг танд хуваалцъя.

Хэт тод өнгөнөөс татгалзаарай

Энэ жилийн баярын үдэшлэгт нүд гялбам өнгөтэй даашинз моод болохгүй гэдгийг стилистүүд хэлж байна. Харин ч аль болох энгийн хэрнээ донжтой загвар таныг илэрхийлж чадах нь. Тиймээс аль болох завсрын өнгийн гоёл сонговол таныг цаг үетэй тань хөл нийлүүлэх болно.

Том зүүлт биш чамин жижиг гоёл таныг чимнэ

Нэг хэсэг бүсгүйчүүд том зүүлт, чулуугаар гоёдог байсан л даа. Харин одоо бол жижиг хэр нь өнгөлөг зүүлт, гоёл чимэглэл таны үнэнч нөхөр байж чадна. Гэхдээ мэдээж, донжтой байх ёстой шүү.

Урт даашинз моодноос гараагүй шүү

Энэ жил дандаа богино хормойтой даашинз моод болно гэж бодож байна уу. Үгүй дээ, гоолиг нуруугаа гайхуулах бие барьсан урт даашинз тэргүүн эгнээнд сонгогдсон хэвээрээ байгаа шүү.

Дэрвэгэр богино хормойт

Энэ бол энэ шинэ жилийн гоёлын трэнд гэж хэлж болохоор загвар юм. Бүсгүй таны гоо сайхныг төгс илэрхийлж чадахад дэрвэгэр богино хормойтой даашинз яг тохирно. Өнгөний хувьд цасны өнгийг илэрхийлсэн мөнгөлөг өнгө моодонд орж байгаа юм билээ.