Улстөр
・Нийтэлсэн:
Отгонхүү
・
2016 04 сар 01
・ 16
Монголын эдийн засгийн чуулган төрийн ордонд хоёр дахь өдрөө амжилттай чуулж байна. Чуулганы эхний өдөр Шийдлийн Засгийн газрын тэргүүн Ч.Сайханбилэг чуулганд хүрэлцэн ирсэн иргэдийн өмнө гарч тавьсан “Сорилт, сургамж, шийдэл” илтгэлдээ Босоо Ганбаа ч хэвтээд өглөө.... хэмээн олон зочдын өмнө бардам хэлэв. Бодвол тэр үнэхээр дайснаа дарж дархан цолоо мандуулсан бололтой.
Анх Шийдлийн Засгийн газрын тэргүүн болохдоо “Эдийн засаг, эдийн засаг, эдийн засаг” гэж хэлснийг санах нь зүй байх. Энэ мөчөөс л Ерөнхий сайд, Босоо Ганбаа хоёрын дайсагналцал эхэлсэн юм. Учир нь,“Оюу толгойн ашиггүй гэрээ”, “Дубайн гэх тодотголтой гэрээ”, “Ноён уулыг ухах тогтоол”, “Хуурамч диплом” зэрэг олон чухал, ноцтой асуудал тэднийг ийнхүү улс төрийн “дайнд” мордуулсан юм. Ерөнхий сайдын хувьд эдийн засгаа сэргээх, тогтворжуулах, явуулахын тулд бололцоотой бүхий л алхмыг хийх гэж оролдсон. Тэр болгоноос нь хамгийн дорвитой нь “Оюутолгойн далд уурхайн ашиглалт” байв. Гэтэл энэ нь мөнөөх л босоо Ганбаа, МАН –ынханд таалагдаагүй. Гэсэн ч хүчээр хийхээс өөр арга байгаагүй.
Ямартай ч, Н.Алтанхуягийн Засгийн газрын үед хэвийн байсан эдийн засгийг Ч.Сайханбилэгийн үед шалдаа буулаа. Цалин нэмэгдсэнгүй, долларын ханш тэнгэрт туллаа, улсын өр л нэмэгдлээ...энэ бүгдийг босоо Ганбаа урьдчилан тооцоолсон учир ерөнхийдөө зөвлөмөөр аядсан ч тэр нь зөвөөр хүлээж аваагүй юм. Энэ мэтээр тэдний дунд эцэс төгсгөлгүй тулаан өрнөж, нэг нэгнийгээ давахын тулд телевиз, хэвлэлийнхэнд яриа хүртэл өгч байсан юм. Нэг хэсэг “МҮҮН”-ий хамаатан болж, ХҮН –ын дарга болж, Ерөнхийлөгч болохоор мөрөөдөж буйгаа ил цагаан хэлсэн УИХ –ын гишүүн С.Ганбаатар сүүлийн үед элдэв шуугианаа багасгаатахсан чинь ЕС олзуурхан “Босоо Ганбаа ч хэвтээд өглөө” гээд хэлчихлээ. Намын даргын албаа өөрийн хүсэлтээр өгчихсөн С.Ганбаатарыг хүчгүй болчихлоо гэж бодсон уу эсвэл өөрийгөө тийм хүчтэй гэж бодсон уу, бүү мэд. Ямартай ч шүдний чигчсэн мах шиг байсан хүнээс салсандаа баяртай байх шиг.
Харамсалтай нь, Ерөнхий сайдын хэвтүүлсэн Ганбаа нь ахиад босчээ... Тэрбээр Ерөнхий сайдад хаягласан ил захидал хүргүүлсэн. Дахиж надаар оролдвол үүнээс ч илүүг хийж чадна шүү гэдгийг тэр энэхүү захидалаараа дамжуулан Ерөнхий сайдад анхаарууллаа...
Үзэглэгч
http://www.newscom.mn/
Манай сайт танд таалагдаж байвал LIKE хийгээрэй. Танд баярлалаа.