УИХ-ын дэд дарга Ц.Нямдорж "Эрдэнэт" үйлдвэрийн 49 хувийн асуудлаар ноцтой мэдэгдэл хийлээ.

 

Гурван сарын өмнө УИХ-ын гишүүн З.Баянсэлэнгэ нарын гишүүд "Эрдэнэт үйлдвэрийн Оросын талын 49 хувийг монголчууд авч буй нэрээр хувийн компанид хямдхан зарсан байх магадлалтай" хэмээн анх олон нийтэд мэдэгдсэн.

Тэднийг ингэж мэдэгдээд удаагүй байтал Ерөнхий сайд Ч.Сайханбилэг яарч, сандран мэдэгдэл хийж "Монгол Улс өнөөдөр Эрдэнэт үйлдвэрийн 51 хувийг эзэмшдэг. Харин Оросын тал хувьцаагаа зарах санал гаргаж, Засгийн газар хоорондын хэлэлцээрийн үр дүнд Худалдаа хөгжлийн банк ОХУ-ын эзэмшиж байсан  49 хувийг худалдаж авахаар болсон. Ингэснээр тус үйлдвэр 100 хувь монголчуудын эзэмшлийнх боллоо" гэсэн юм.

 

Ямартай ч "Эрдэнэт" үйлдвэрийн Оросын талын эзэмшдэг 49 хувь Худалдаа хөгжлийн банкны дэргэдэх "Монгол зэс" компанийн мэдэлд очиж буй нь түүний мэдэгдлээс тодорхой болсон юм. Тэгвэл гурван сарын дараа буюу өчигдөр УИХ-ын дэд дарга Ц.Нямдорж Худалдаа хөгжлийн банк нь "Эрдэнэт" үйлдвэрийн 49 хувийг авахдаа ямар эх үүсвэрээр авсан, худалдаалсаны дараа ямар хуйвалдааныг явуулсан талаар өөрийн олж авсан мэдээллийг дэлгэв. Түүний ярьснаас дүгнэвэлМонголын төр Эрдэнэт үйлдвэрээ бүхэлд нь алдсан нь тодорхой байна.

 

Өнгөрсөн зургадугаар сарын 27-ны өдөр Сангийн сайд Б.Болор нууцаар хоёр тушаал гаргаж хувьцаа эзэмшигчдийн удирдамж гэдгийг баталсан. Б.Болор сайдын уг тушаалаар Эрдэнэт үйлдвэрийн Монголын талын 51 хувийг Оросын талын 49 хувийг авсан Худалдаа хөгжлийн банкинд үнэгүй шилжүүлсэн байна. Түүний хэлснээр Эрдэнэт үйлдвэрийг 100 хувь Худалдаа хөгжлийн банкинд өгчихсөн байх магадлалтай байгаа юм.

 

        УИХ-ын дэд дарга Ц.Нямдоржийн хэлж буйгаар энэ бүх ажиллагааны цаана ХХБ, УБ банкны ТУЗ-ийн дарга Д.Эрдэнэбилэг гэдэг хүн байгаа аж. Д.Эрдэнэбилэг нь “Худалдаа хөгжлийн банк“-ны ТУЗ-ийн дарга, Улаанбаатар банкны 99 хувийн хувьцаа эзэмшигч бөгөөд "Эрдэнэт" үйлдвэр тойрсон бүх асуудал энэ хүнээр дамжсан байна. "Худалдаа Хөгжлийн Банк" нь Дарханы төмөрлөгийн үйлдвэр, Багануур, III, IV цахилгаан станцуудыг хувьчилж авахаар бэлтгэлээ хангаж байгаа аж. Хамгийн ноцтой нь арилжааны банк ийм үйл ажиллагаа явуулах хориотой юм байна."Худалдаа хөгжлийн банк" нь Монголын Засгийн газрыг давж Оросын талтай харилцсан байх ч магадлалтай аж. "Эрдэнэт”-ийн 49 хувийг худалдан авсан гэх компаниас хууль ёсны мөнгөөр нь авсан бол улс буцааж авах арга байгаа аж. Зургадугаар сарын 28-нд Эрдэнэтийн асуудал сөхөгдсөний дараа "Худалдаа Хөгжлийн Банк"-ны гүйцэтгэх захирал О.Орхон гэж хүн Монгол ТВ-ээр ярихдаа хоёр жилийн өмнөөс гэрээ хэлцэл эхэлсэн гэж үг алдсан. Яагаад Засгийн газар нь яриагүй байхад нэг банк энэ талаар хэлэлцэж байдаг билээ гэж Ц.Нямдорж хэлэв.  Тэгэхээр энэ бол УИХ-ын тогтоолыг яагаад давж гишгэсэн бэ, УИХ яагаад мэдээлэлгүй байна вэ? гэдэг асуулт хамгийн түрүүнд гарч ирсэн зүйл болж байна. Мөн ард түмний өмчийг өөрсдөөс нь асуулгүй хувийн компанид шилжүүлсэн нь тодорхой байгаа юм.

 

"Эрдэнэт" үйлдвэр ноднин жилийн байдлаар 284 тэрбум төгрөгийн татвар төлж байсан. Энэ жил 20 тэрбум төгрөгийн татвар төлсөн байна. Ижил төрлийн үйл ажиллагаа явуулж буй "Оюутолгой" компани 244 гаруй тэрбум төгрөгийг татварт төлчихөөд байхад "Эрдэнэт" үйлдвэр 10 дахин бага татвар төлсөн. Яахаараа нэг нь ийм багыг төлдөг билээ. Эрдэнэтийн мөнгөөр Эрдэнэтийг өөрийн болгох луйвар үүний цаана харагдаж байна гэж тэрбээр мөн хэлсэн юм.

 

Ц.Нямдорж  Засгийн газарт уг асуудлаар хандаж Засгийн газарт ажлын хэсгийн дүгнэлийг яаралтай хэлэлцэж, Сангийн сайд Б.Болорын "Эрдэнэт"-ийн 51 хувийг нөгөө талд бэлэглэсэн хоёр нууц тушаалыг хүчингүй болго. Хувьцаа эзэмшигчдийн хурлыг шинээр хийж, төрийн төлөөллийг хэрэгжүүлэх хүмүүсийг шинээр томилж, ТУЗ, гүйцэтгэх удирдлагыг томилж, дүрмийг батлахдаа 51:49 гэсэн харьцааг хатуу баримтал. Мөн "Эрдэнэт"-ийн 49 хувийг ямар эх үүсвэрээс худалдаж авсан бэ гэдгийг шалгахыг хүссэн бичгийг хүргүүлжээ.  Уг асуудлыг цаашид хэрхэх вэ гэдэг нь олон нийтийн анхаарлыг ихээхэн татаж байна.

 

24tsag.mn

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ

7 Сэтгэгдэлтэй

Сэтгэгдэлүүд харагдах байдал:

• Зочин / 2016 10 сар 03/

  Huvitsaa ezemshigchdee sain harj vzdeg saaliin vnee,ichgevter yumaa,jild 40 tugrug bolddog saaliin vnee gej....

  Хариулах

• zochin / 2016 10 сар 02/

  Manai ulsin turiin umch 51 huvi ni heveeree bgaa bizde.Harin Orosin talin medeld bsan 49 huviig ted uursduduu ashiggui gej uzeed zarah sanal tavihad ni Mongolin neg chadaltai kompani avch ekh orondoo uldeesen ni buruu bolj ba u.Zaaval Hyatadiin yum u esvel huguu ediin zasgiin aluurchin gegddeg tom k

  Хариулах

• зочин / 2016 10 сар 01/

  Эрдэнэтийг хувийн хэвшлээр явуулаад үзье.шахааны бизнес нь алга болох гээд хазгай хэлт баас алдах нь.ард нь ч захиалагч бии.энэ шудрага дүр эсгэгчийг уг нь дүүжлэхэд ч багдна.хуудуутай юм харин орсон бол шалгах хэрэгтэй.

  1

  Хариулах

• Зочин / 2016 10 сар 01/

  500-хан мянган долларын нэг муу балгасны төлөө Н.Энхбаяртай хэдэн жил захиалгаар хөөцөлдөж сүрийг үзүүлсэн АТГ одоо л жинхэнэ сүрээ үзүүлж АН, Баянсэлэнгэ мэтийн луйварчидтайгаа тэмцээч. Шалга, илрүүл, Эрдэнэтийг буцааж ард түмэнд олго.

  Хариулах

• Зочин / 2016 09 сар 30/

  Дуйвар хийжээ. За одоо хуулийнхан ажлах ёстой. ТӨРийн өмчийг нэг муу сайдын тушаалаар луйвардаж иддэг болжээ. Арай дэндэж байна

  Хариулах

• Зочин / 2016 09 сар 30/

  нямдорж гишүүнд баяр хүргэе, ийм л шударга улс эх орноо боддог хүн манайд олон хэрэгтэй байна даа. АН- хан ямар балагтай амилсан чөтгөрүүд вэ?

  Хариулах

• Зочин / 2016 09 сар 30/

  Энэ хувилдааныг шалга , бас дахин шалга , төрийн өндөр албан тушаалтны оролцсон албан тушаалын асар том хувилдаан гэмт хэрэг байна. Томоохон үйлдвэрийн газраас 2016 оны татварыг 2015 оны 12 сард урдчилж авсан, Эрдэнэт татвараа 200 гаруй тэрбумаар бага төлж Ингэж улсын төсөвийг хоосолж тэтгэвэр тэтгэ

  1

  Хариулах