Валютын ханш өдрөөр бус цагаар өсч буй энэ өдрүүдэд Засгийн газраас Сангийн сайд Б.Чойжилсүрэнд ам.долларын ханшийн өсөлтийг буулгах үүрэг оноогоод байна.  

Өнгөрсөн зургадугаар сарын дундуур 1950 төгрөгтэй тэнцэж байсан ам.долларын ханш долдугаар сараас хойш тасралтгүй өсч, өнөөдрийн байдлаар 2600 төгрөгтэй тэнцээд байна. Удахгүй 3000 төгрөгт хүрч болзошгүй талаар ч УИХ-ын гишүүн Д.Эрдэнбат УИХ-ын чуулганы /11.10/ -ны өдрийн хуралдаанаар онцолсон удаатай.

 

Ганц Д.Эрдэнэбат гишүүнээр зогсохгүй их хурлын гишүүд бүгд энэ талаар хэлэлцэж, ам.долларын ханшийг хэрхэн хазаарлах тухай хэлэлцэж толгойгоо гашилгах болов. Хэдийгээр Монголбанк гадаад валютын өсөлтийг хязгаарлахын тулд бодлогын хүүгээ өсгөсөн ч ам.долларын ханш зогсолтгүй өссөөр байгаа юм.

Өнөөдөр Монголын үндэсний мөнгөн тэмдэгт дэлхийн хамгийн муу валютын нэгээр нэмэгдэх болсон.

 

Ам.долларын ханшийн өсөлт зах зээлийн зарчмаар эрэлт нийлүүлэлтээр зохицуулагддаг. Гэтэл Монголбанкинд орж ирэх ам.долларын хэмжээ өдрөөс өдөрт буурч Төв банкин дахь валютын нөөц дөрөв дахин багассан, гадаад валютын хадгаламж нэмэгдсэн гээд шалтаг, шалтгаан олон.

 

Тэгэхээр ам.доллар орж ирэх сувгуудийнхаа амсарыг  хэрхэн нээх,  үнийн өсөлтийг хазаарлах арга замыг Ерөнхий сайд  Ж.Эрдэнбат олсон нь Сангийн сайд Б.Чойжилсүрэн бололтой. Өөрөөр хэлбэл, Сангийн сайд Б.Чойжилсүрэнд Ерөнхий сайд Ж.Эрдэнэбат ам.долларын өсөлтийг хазаарлах дараах даалгаврын хажуугаар хариуцлагыг оноосон юм. Үүнд

 

• Улаанбаатар үйл ажиллагаа явуулж байгаа гадаадын Элчин сайдын яамдыг визийн хураамжаа Монгол Улсын үндэсний мөнгөн тэмдэгтээр авдаг болох
• Арилжааны банкуудыг  Монголбанкны  зарласан ханшаас өндөр үнээр валют арилжиж байгаад зохицуулалт хийж болох эсэхийг судлах
• Валютын хадгаламж, валютын зээлийн үйл ажиллагаанд зохицуулалт хийж, Монгол Улсын үндэсний мөнгөн тэмдэгтийн ханшийг өсгөх ямар боломж байгааг судалж шаардлагатай бол холбогдох шийдвэрийн төслийг боловсруулж танилцуулахыг Сангийн сайдад үүрэг болгожээ.

 

Өнөөдөр Монголын үндэсний мөнгөн тэмдэгт дэлхийн хамгийн муу валютын нэгээр нэмэгдэх болсон энэ үед Сангийн сайд Б.Чойжилсүрэн  дээрх хариуцлагатай үүрэг даалгаврыг биелүүлж, ам.долларын өсөлтийг зогсоож чадах эсэх нь хүн бүрийг сонирхлыг татсан үйл явдал болоод байна.

 

Хэрэв ам.долларын ханшийг бууруулж эс чадвал УИХ-ын эрхэм гишүүн Сангийн сайдынхаа сэнтийнээсээ бууж ч магадгүй гэсэн таамаглал бий юм.

24tsag.mn

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ

9 Сэтгэгдэлтэй

Сэтгэгдэлүүд харагдах байдал:

• ИРГЭН / 2016 11 сар 14/

  энэ засаг байгуулагдсан үеээсээ л валютын ханштай холбооотой асуудлаар бодлогогүй үйлдэл хийснээс шалтгаалсан хүндрэлүүд гарах боллоо. МАН-ынхан байдал хүнд байгааг мэдэж л байсан байж таараа. ӨӨр гариг дээр байсан биш ямар. Засагт хүртэл ажиллацгааж л байсан. Ухаандаа АН-аа л доош нь хийх гэж яваад

  Хариулах

• Зочин / 2016 11 сар 13/

  Хамтын гэрээг цуцлагч энэ 2 нөхөр ухаалаг шийд гаргах чадваргүйгээ ард түмэнд харулсан

  Хариулах

• Зочин / 2016 11 сар 13/

  Хүрэлбаатар Чойжилсүрэн мэтийн шуналын туламнуудад мөнгө санхүү удаан бариулбал монгол улс элгээрээ мөлхөж мөхлийн ирмэгт тулна шүү.

  Хариулах

• Зочин / 2016 11 сар 12/

  Сэрээч ман. Хүрэлбатар гэгч мөнгө дууддаг гэх сарандаваа авгайн хэмжээнд уих-ын индэр ашиглан бурах юм.

  Хариулах

• Зочин / 2016 11 сар 12/

  Маш муу санаатай ч юм уу гэмээр ажллж бнаа.улсад татвар өгдөг бизнесүүдээ баллаж бнаа.цаана нь бас увсынхан өөдтэй яваа өрсөлдөгчдөө хуга унагаж бнаа. Одоо боллоо. Зайлуулаач ээ.эрдэнэтийг эх оронч дүрээр багалзуурдах гэж үзлээ.монгол банк,сангийн яам,төсвийн байнгын хороо бүгд увсын гарт!!! Сэрээч

  Хариулах

• Батаа / 2016 11 сар 12/

  Хадгаламжийг зөвхөн төгрөгөөр хийдэг хууль гарга

  Хариулах

• Зочин / 2016 11 сар 11/

  Hurdan ajilahgui bol 5000 bolhod gaihah yum algaa

  Хариулах

• Зочин / 2016 11 сар 11/

  Хурдан зайлуулаачээ наад мануухайгаа.

  Хариулах

• Зочин / 2016 11 сар 11/

  nice

  Хариулах