Улстөр
・Нийтэлсэн:
Мэргэн охин
・
2016 12 сар 03
・ 2
Нийслэл хотыг удирдаж байгаа хоёр дарга саяхан Улаанбаатар хотын дээд шагнал болох “Хангарьд” одонгоо Нийслэлийн иргэдийн төлөөлөгчдийн хурлын төлөөлөгч залууд олгочихлоо. Тодруулбал, Монголын оюун ухааны академийг үүсгэн байгуулагч Х.Хатанбаатарт нийслэлийн дээд шагналыг хүртээв. Уг мэдээлэл гарахтай зэрэгцээд ард түмний уур бухимдал дахиад л сэдрээд эхлэх нь тэр.
“Сандуй, Сундуйн хүү хоёрын энэ шагнал цагаа олсонгүй. Улаанбаатар хотын хөгжил дэвшилд өндөр хувь нэмэр оруулсан нэгэнд улс тунхагласны баяраар олгодог уламжлал шагнал байх л даа. Гэхдээ яасан мэдрэмжгүй нөхөд бэ. Халтиргаа гулгаанаас үүдсэн олны бухимдал намжаагүй байхад, атга давсаа хаагуур цацахаа бид мэднэ гэж ерөнхий менежер нь хэнхэлзээд ард түмнээ унгас алд гэж доромжилж байхтай зэрэгцээд энэхүү шагналаа өгдөг нь ямар учиртай юм. Очиж очиж иргэдийн төлөөлөл биш иргэдийн хурлын төлөөлөгчдөө өгдөг нь бас юучив” хэмээн хилэн хорсолтой байна.
Нээрээ л хотын дарга нар мэдрэмжгүй гэдгээ дахиад баталчихав уу даа. Улаанбаатарын зудтай гудмандаа огтхон ч санаа зовоогүй хэрнээ, унгас алд гэж телевизийн сувгаар авирлаж байгаа нөхөртөө арга хэмжээ авсан уу. Тийм атлаа хурлын танхимд зэрэгцээд сууж байгаа хурган даргаа шагнасан нь үнэндээ цагаа олсонгүй, хөнгөн шийдвэр байлаа.
“Хангарьд”-аар шагнуулсан Хатанбаатарын буруу биш. Ард түмнээ гэхээсээ илүүтэй албан тушаалтнаа эрхлүүлж нялуурдаг өнөөгийн дарга нарын өнгө төрх энэ юм, хөөрхий.
Өдрийн сонин Ө.Манлай
Манай сайт танд таалагдаж байвал LIKE хийгээрэй. Танд баярлалаа.