Улстөр
・Нийтэлсэн:
Мэргэн охин
・
2016 12 сар 05
・ 17
ОХУ-ын элчин сайдын зөвлөх гэх хэрцгий эрд зодуулсан С.Амармандахын биеийн байдал хүнд байгаа. Харин шүүх эмнэлгийн дүгнэлт аль хэдийн гарах болчихсон ч өнөөдрийг хүртэл шүүх эмнэлгийнхэн дүгнэлтээ албан ёсоор гаргаж өгөхгүй байгаа гэж албаны эх сурвалжаас мэдээллэж байна. Учир нь Нийслэлийн Засаг даргын тамгын газрынхан ОХУ-ын элчин сайдынхны талд үйлчлэхийн тулд шүүх эмнэлгийн дүгнэлтийг хөнгөн гэж гаргуулах гээд байгаа ажээ. Харин тус эмнэлгийн зүгээс ийм хүнд гэмтэлийг хөнгөн гэх үндэслэл байхгүй, ямартай ч эмчилгээний үйл явцыг харах хэрэгтэй гэсэн байна. Гэхдээ шүүх эмнэлгийнхэн НЗДТГ-ынхны тушаалыг зөрж, өөрсдийн эмнэлгийн дүгнэлтээ үнэн зөвөөр гаргах зориггүй байгаа ажээ.
Энэ мэтчилэн Су.Батболд тэргүүтэй хүмүүс илт ОХУ-ын талд үйлчилж байна. Мөн тэрээр зодоон болсны дараа С.Амармандахыг хүнд харуулж, болохгүй харанхуй өрөөнд оруул гэдэг үүрэг өгсөн байна. Өөрөөр хэлбэл тэрээр анхнаасаа ОХУ-ын хүний талд үйлчилж, монгол улсын иргэнийхээ эрүүл мэнд амь насыг үл тоож байжээ. Гэтэл ОХУ-ын томоохон хэвлэлүүд өөрийн орны иргэнээ илт өмөөрсөн мэдээллийг олон улсад цацаж байна. Үнэн хэрэгтээ ийм. Арга ч үгүй ямар ч улс орон байсан өөрийн иргэдээ өмөөрч, өмгөөлж хамгаалдаг. Гэтэл эх орныхоо иргэдийнхээ төлөө ажиллах ёстой, үүрэгтэй манай улсын төрийн эрх мэдэлтнүүд ийм араншин гаргаж байна. Эх оронч бишээр барахгүй, ийм л эх орноосоо урвасан хүмүүс Монгол улсын бодлого тодорхойлсоор байгаа эмгэнэл бий болсон байна шүү дээ.
Г.Наран
Манай сайт танд таалагдаж байвал LIKE хийгээрэй. Танд баярлалаа.