Нийгэм
・Нийтэлсэн:
Мэргэн охин
・
2016 12 сар 26
・ 4
Агаарын бохирдлоороо Улаанбаатар хот дэлхийн улсуудыг тэргүүлсэн жагсаалт саяхан гарсан. Хэрээс хэтэрсэн энэ бохирдолд хүн бүр санаа зовж байгаа боловч дотор нь амьдарсаар. Үр хүүхдээ ханиад, хатгаа тусан зовж шаналж байгааг харах эцэг эхчүүд тэсэхээ байгаад өнөөдөр жагсаал хийх гэж байна. Улс төр нь ч манантсан, урдах зам нь ч манантсан ямар гээчийн аймшигт нийгэмд амьдраад байгаагаа хүн бүр сэрж мэдрэх цаг нь болжээ.
Улаанбаатар хотын агаарын бохирдол дэлхийн дунджаас 5-6 дахин их байна. Агаарыг бохирдуулж буй гол хүчин зүйл нь гэр хорооллын нүүрсний хэрэглээ юм. Тодруулбал, нийслэлийн гэр хорооллын 198 мянган өрх жилд 1 сая тонн нүүрс хэрэглэдэг бөгөөд энэ нь агаарын бохирдлын 80 хувийг бүрдүүлдэг байна.
Харин нийслэлд ашиглаж буй 330 мянга гаруй тээврийн хэрэгсэл 10 хувийг, 3 ДЦС 6 хувийг, хөрснөөс дэгдэж буй тоосжилт 4 хувийг эзэлдэг аж.
Нийслэлийн агаарын бохирдлыг бууруулах ажлын хүрээнд улс, нийслэлийн төсөв болон олон улсын хамтын ажиллагааны байгууллагуудын буцалтгүй тусламж, зээлээр 2011-2015 он хүртэл нийтдээ 132.5 тэрбум төгрөг зарцуулсан гэх мэдээллийг албаныхан өгч байна.
Манай сайт танд таалагдаж байвал LIKE хийгээрэй. Танд баярлалаа.