Улстөр
・Нийтэлсэн:
Мэргэн охин
・
2016 12 сар 28
・ 83
Одоогоос нэг жил гарны өмнө төр нийгмийн нэрт зүтгэлтэн С.Зоригийн хэргийг шалгаж, сэжигтэн хүмүүсийг хорьсон гэх мэдээлэл гарч байлаа. Мөн дараахан нь С.Зоригийн эхнэр Булганыг хорьж, түүнийг УИХ-ын гишүүн асан Ц.Оюунгэрэл, Ж.Батзандан нар өмөөгөлөн хамгаалж, очиж эргэсээр байсан.
Ингээд Булган суллагдсан. Хорихоос суллагдсан цагаасаа хойш буюу өнгөрсөн намраас эхлэн түүнийг энэ хэргээс бүр мөсөн холдуулчихсан юм. Харин бусад хүмүүсийг буруутайд тооцохдоо улсын нууцтай хамаатай хэрэг гэдэг үндэслэлээр шалгасаар байгаад өчигдөр 24-25 жилийн ял оноочилоо. Гэтэл уг хэргийг жүжиг байсан, жүжиг болчихлоо гэх олон байна. Учир нь тухайн үед буюу С.Зоригийн амь насаа алдсан шөнө гэртэй байсан, хаа байсан Эрдэнэт байсан хүмүүсийг буруутайд тооцсон нь хэрэгт гүтгэсэн гэж ойлгогдож байгаа. Хэрэгтнүүд гэх хүмүүс болон тэдний ар гэрийнхэн ч ингэж тайлбарлаж буй. Тиймээс энэ хэргийг Ерөнхийлөгч Ц.Элбэгдорж суудлаасаа буухааса өмнө өөрийнхөө нэрийг цэвэрлэх гэж хийсэн гэх хүн олон байна.
Хэрэв түүнийг суудлаасаа буучих юм бол уг хэрэгт буруутган, яаж ч мэднэ гэдгийг тэр анзаарчээ. Сошиалд гэхэд л хүн бүр Зоригийн хэрэг гэдэг хошин шоу, гүтгэлэг боллоо гэж байхад УИХ-ын гишүүн асан Ц.Оюунгэрэл “Хүн хилсээр яллагдсан бол дээд шүүх хүртэл давж заалдаад Монголынхоо хуулийн тогтолцоог ашиглаж дууссаны дараа НҮБ-д хандах эрх үүснэ” гэж жиргэж байна. Түүний үг бол ерөнхийлөгчийн үг гэж ойлгож болно. Ц.Оюунгэрэлийг ерөнхийлөгчийн хүн гэдэг. Түүний хэлсэн үгийг бяцхан орчуулбал С.Зоригийн хэрэгт буруутгагдсан Содномдаржаа нар давж заалдана, дараа нь дээд шүүхэд хандана тэгээд болохгүй бол НҮБ-д хандана. Монголын шүүхээр орж явсаар байтал ерөнхийлөгчийн сонгууль болдогоороо болоод өнгөрнө. Ц.Элбэгдорж НҮБ-д ажиллахаар явчихсан байна. Тэр хойно нь энэ хэргийг яахав хэрэгсэхгүй болгож, эсвэл энэ хүмүүст багахан ял оноогоод С.Зоригийн хэрэг гэдгийг дахиж, Ц.Элбэгдоржтой хамааруулахгүй болгоно гэж хэлж байгаа далд санаа.
Хамгийн ноцтой нь гэвэл дээрх гурван хүнд ял оноосон хэргийн зүйл ангид зааснаар захиалгаар хүнйи амь хөнөөсөн гэж байгаа юм байна. Тэгвэл захиалагч нь хэн бэ, харамсалтай нь одоогоор монголын шүүх захиалагчийг нь олоогүй байна. Шүүхийнхэн ядаж захиалагч нь хэн бэ гэдгийг хэлээд өгөх хэрэгтэй. Жирийн ядарсан иргэдэд хүн алах , тэр тусмаа улстөрийн аллага хийх ямарч ашиг хонжоо, бодол сэтгэл байхгүй гэдгийг олон улсын мэргэжилтнүүд ч сануулдаг. Өчигдөр ялын тогтоол уншихдаа захиалгаа, санаатайгаар хүн алсан гэдэг зүйл ангиар Ц.Амгаланбаатарт 25 жилийн ял оноож, ялын 20 жилийг гянданд, үлдснийг нь онцгой дэглэмтэй хорих ангид, Б.Содномдаржаад оноосон 25 жилийн 23-ыг нь гянданд, үлдснийг нь онцгой дэглэмтэй хорих ангид, Т.Чимгээгийн 24 жилийн ялыг чанга дэглэмтэй хорих ангид тус тус эдлүүлэхээр болсон гэлээ.
Эдгээр гурван хүнийг бүлэглэн, онц хэрцгийгээр, шунахайн сэдлээр, захиалгаар, хохирогчийг биеэ хамгаалж чадахгүй байдлыг мэдсээр байж амь насыг нь онц хэрцгий аргаар хөнөөсөн гэж үзсэн гэдгийг дахин сануулья тэгвэл захиалагч нь хэн бэ.
Угаас С.Зоригийн төрсөн дүү С.Оюун өчигдөр мэдээлэл хийж, энэ хэргийг үнэн мөнөөр тогтоосон гэж үзэхгүй, гүтгэлэг гэдгийг сануулаад байна. Тэрээр шүүхийн шийдвэр эргэлзэж буй юм билээ. Яг ийм яриа гарна гэдгийг мэдэж олон нийтийн анхаарлыг өөр тийш нь хандуулж, сэтгэлийг нь уяраах гэсэн мэт Ц.Элбэгдорж үе үеийн дөрвөн ерөнхийлөгчийн мэндчилгээ гэдгийг дэюшүүлчихлээ. Зоригийн хэргийн шийдвэртэй давхцуулж байгаа нь мөн л бодлого. Ерөнхийлөгч Ц.Элбэгдорж шоу зохиохдоо гаргамгай, муу хүн юм бишүү. Н.Энхбаярыг хорьсон хэрэгт мөн л Ц.Элбэгдоржийн нэр дуулддаг шүү дээ. Энэ хэргийг жүжиг болголоо гэдгийг дээр дооргүй мэдэж, ярьж байгаа хэрнээ хэн ч нөлөөлж чадахгүй байна. Ер нь эсэргүүцлийн тайван жагсаал хийсэн ч болно шүү дээ. Монголчууд ийм хүчгүй, хууль нь ийм хуурамч юм уу. Мөн хэвлэл мэдээллийг хүчний байгууллагууд болон Ерөнхийлөгчийн эрх мэдэл дарлаж байдаг учраас хэвлэлийнхэн ч үүнд дорвитой мэдээлэл гаргаж чадахгүй байна.
Г.Наран
zaluu.mn
Манай сайт танд таалагдаж байвал LIKE хийгээрэй. Танд баярлалаа.