Улстөр
・Нийтэлсэн:
Мэргэн охин
・
2017 01 сар 02
・ 19
УИХ-ын гишүүд ажилдаа ирдэггүй, чухал хууль батлах болоод байхад ч чуулганд суухгүй байсаар төрийн ажлыг цалгардуулдаг. Хойрго залхуу тэднээс болж хууль хэлэлцэх асуудал удаа дараа хойшлогддог байдал манай парламентад олон жил үргэлжилж байна. Учир нь тэд өвлийн энэ их утаанд Улаанбаатарт орж ирэх дургүй болтой юм, хувийн эзэмшлийн хээр хөдөө байрлах хаусандаа тухлангаа амарч, эсвэл гадаадаар аялан нисч халуун оронд амарч байгаад хаяаахан нэг үзэгддэг. Ийм байдлаар хууль тогтооно гэж юу байхав. Үнэхээр гишүүн байх дургүй юм бол бүрэн эрхийг нь түдгэлзүүлдэг, бусад төрийн албаныхан шиг ажлаас халдаг тогтолцоотой баймаар юм. О.Содбилэг мэтийг гишүүний ажлаас нь халдаг больё. Тэрээр яагаад чуулганд суухгүй байсан юм бол. Өнгөрсөн сард С.Зориг агсны хэргийн шүүх хурал болсон. Уг хэрэгтэй холбогдуулан шалгагдаагүй л баймаар юм. Өнгөрсөн жил өөрийг нь болон түүний аав Отгонбилэг агсныг уг хэрэгт буруутгасан хэмээн хэвлэлээр болон цахимаар хашгираад бөөн юм болоод байна шүү.
Ямар сайндаа л Ц.Нямдорж гишүүн гишүүдийг хуралдаандаа ирэхгүй байгаад ихэд бухимдаж “Туслахууд нь орондоо унтаж буй гишүүдээ сэрээ. АН-ыг ирцээ бүрдүүлсэнгүй гэж бид хичнээн баалдаг байв. Одоо өөрсдийгөө хар” гэж байхав.
Оны өмнө гишүүдийн ирц нийтэд ил болсон. Тэндээс харж байхад О.Содбилэг гишүүн нэлээд тасалсан байна. Тэрээр өнгөрсөн сард нэг л удаа 10:35 цагт картаа уншуулжээ. Мөн А.Сүхбат, Б.Наранхүү нар мөн л чуулган тасласан гишүүдийн тэргүүнд явна лээ. Гишүүдийн ирцийн мэдээллийг цааш харахад Б.Ганболд, Ц.Оюундарь, Б.Энх-Амгалан, Л.Элдэв-Очир, Ч.Улаан, Б.Дэлгэрсайхан, Ч.Хүрэлбаатар, , Ж.Бат-Эрдэнэ, Л.Оюун-Эрдэнэ нарын гишүүд гадаад дотоод томилолт, эмнэлгийн чөлөөтэй гэсэн шалтгаанаар чуулгандаа суухдаа хойрго ханддаг нь ажиглагдлаа.
Г.Наран
Манай сайт танд таалагдаж байвал LIKE хийгээрэй. Танд баярлалаа.