Улстөр
・Нийтэлсэн:
Мэргэн охин
・
2017 03 сар 03
・ 61
Өнгөрсөн жил оффшор дансны дуулианы хажуугаар С.Баярын Америк дахь тансаг хауснууд дуулиан тарьж байлаа. Тодруулбал, тухайн үеийн УИХ-ын гишүүн Г.Уянга С.Баярыг тансаг зэрэглэлийн хаусныхаа гадаа цэцэг услаж байх үеийн зургийг интернэтэд байрлуулж, энэ тухай мэдээллийг нь баримттай дэлгэсэн. Хамгийн гол нь Оюутолгойн гэрээг хийх үед дээрх хауснуудаа худалдан авч, холио солио хийн, мөнгө угаах аргаар тэнд амьдардаг нь ил болж байв. Хамгийн гол нь түүний хөрөнгийг шинэхэн эхнэр болох Э.Сувд гэж бүсгүй давхар эзэмшдэг гэх мэдээлэл гарч тэр нь учир битүүлэг байв. Үнэндээ бол С.Баяр өөрөө ямарч хаусгүй, энэ бүхэн худал гэж мэдэгдэж байлаа тухайн үед. Гэтэл үүнийг батлах мэт нэг тод үйл явдал өчигдөрхөн болоо. С.Баяр өөрийн залуухан эхнэр Э.Сувд гэх эмэгтэйг олны өмнө гаргалаа. Тодруулбал, Монгол Улсаас Их Британи, Умард Ирландын Нэгдсэн Вант Улсад суугаа Онц бөгөөд Бүрэн эрхт Элчин сайд С.Баяр 2017 оны гуравдугаар сарын 1-ний өдөр Хатан xаан II Элизабетэд Бүкенгемийн ордонд Итгэмжлэх жуух бичгээ өргөн барьсан тухай Монгол Улсын Гадаад Харилцааны Яам албан ёсоор мэдээллэсэн юм.
Албан мэдээлэл дэхь "Итгэмжлэх жуух бичиг барих ёслолд Элчин сайд С.Баярын гэргий болон Элчин сайдын яамны дипломатууд байлцав." гэсэн өгүүлбэр болон зураг олны анхаарлыг татлаа. Учир нь Монгол Улсын 25 дахь Ерөнхий сайд С.Баярын гэргийг Эрдэнэбилэгийн Сувд гэдэг юм байна. Үүнийг Их Британий албан ёсны эх сурвалж мэдээлжээ. Сонирхолтой нь УИХ-ын гишүүн асан Г.Уянгын дэлгэж байсан АНУ дахь С.Баярын гэгдэх байшингийн эзэмшигч байсан Эрдэнэбилэгийн Сувд мөн болж таарч байгаа юм.
2012 оны 12 сарын 26-нд Эрдэнэбилэгийн Сувд гэдэг бүсгүй 3 компани шинээp бүртгүүлсэн. “Nebo” (”Небо”), “Voda” (“Вода”),”Gundel” XXK- -ийн мeнeжер нь Эрдэнэбилэгийн Сувд гэсэн байлаа.
АНУ-ын Вашингтон мужид албан ёсны бүртгэлтэй бүх компаниудын мэдээлэл тус мужийн нарийн бичгийн даргын албаны (Office of the Secretary of State) вебсайт дээр байдаг тул http://www.sos.wa.gov/corps/ линкээр орж компанийн нэрийг хайж үзэх боломжтой.
Олон улсын Эрэн сурвалжлах сэтгүүлчдийн Консорциумийн гаргасан офшор дансны жагсаалтад Чойндонгийн Давааням, Самбалхүндэвийн Шагдардулам нарын нэр гарчээ. Ч.Давааням, С.Шагдарсүрэн нар нь 2010 онд АНУ-ын Вашингтон мужид 1.2 сая доллараар байшин худалдаж авч, 2013 онд байшинг “Gundel” ХХК-д бэлэглэжээ. 372 мкв талбайтай, 4 унтлагын өрөөтэй энэ байшинд С.Баяр, Э.Сувд нар амьдарч байсан гэх мэдээлэл бий. 2013 оны дөрөвдүгээр сарын 12-нд “Gundel” ХХК байшинг 1 сая 488 мянган доллараар худалджээ.
Түүнээс гадна С.Баярын охин С.Бадамханд нь мөн офшор данстай болох нь илэрсэн. Анх УИХ-ын гишүүн Уянга илрүүлж, АТГ хэрэгсэхгүй болгосон С.Баярт холбогдох ихээхэн хэмжээний мөнгө болон үл хөдлөх хөрөнгийн асуудал тэгэсхийгээд намжсан. ХАрин С.Баяр өөрийнх нь нам ялсан энэ үед ийнхүү эрээ цээргүй гарч ирж байгаа нь энэ.
Г.Наран
Манай сайт танд таалагдаж байвал LIKE хийгээрэй. Танд баярлалаа.