У.ХҮРЭЛСҮХ ТА ШАДАР САЙДЫН СУУДЛАА Ч САНАЛААРАА ӨГВӨЛ ЯАСАН ЮМ БЭ

Улстөр ・Нийтэлсэн: Мэргэн охин 2017 04 сар 24 ・ 5

Хоёр нүүртэй улс гэж байх юм. Хоёр байтугай хэд хэдэн нүүртэй улстөрчид ч олон болж. Хүчтэй, тэнхээтэй, мужик гэсэн имижийг бүрдүүлсэн улстөрч бол У.Хүрэлсүх. Цэрэг хувцас, хурандаагийн мөрдөсөөр гангарч Монгол Улсын төлөө бүхнээ зориулна гэж цээжээ дэлддэг тэрбээр цэргийн хүн гэхэд дэндүү халшрамтгай, туйлбаргүй, хувиа бодсон нэгэн аж. Халшрамтгай ч гэж хариуцлага хүлээх чадваргүй этгээд гэж хэлж болохоор үйлдэл гаргах болсноороо алдаршиж байх шиг байна. Өчигдөрхөн болсон Засгийн газрын хуралдаан дээр тэрбээр Засгийн газар хоорондын комиссуудын Монголын хэсгийн ажлын хэсгийн ахлагч, Худалдаа эдийн засаг, Шинжлэх ухаан, Техникийн хамтын ажиллагааны Монгол-Хятад Засгийн газар хоорондын Монголын хэсгийн даргын ажлаа сайн дураараа өгөхөө мэдэгдсэн байна. У.Хүрэлсүх Боловсрол мэдлэг дутагдсандаа юу хариуцлага үүрэхээс айсандаа юу бүү мэд ямар ч байсан өөрийн улс төрийн амбицаа улсын ажлаас дээгүүр тавилаа.

Улс төрийн хувийн амбиц гэдэг нь тэрбээр Ерөнхийлөгчийн сонгуультай зэрэгцэн МАН-ын дарга, Ерөнхий сайдын сэнтийд залрах тухай санаархаж яваатай нь холбоотой юм. Улсаа бодсон бол тэрбээр хоёр хөрштэйгөө хамтарч улсынхаа дэд бүтэц, эрчим хүч гээд томоохон төсөл хөтөлбөрүүдийг шийддэг уг албан тушаалыг нэр хүндтэй хаших байлаа. Гэтэл ажил төрөл ихтэй зав зай муутай байна гэсэн шалтгаанаар дээр дурьдсан албан тушаалаа Гадаад харилцааны сайдад шилжүүлэх хүсэлтээ гаргажээ. Эдийн засгийн нөхцөл байдал хүнд, улс орны нэр хүнд дэлхий дахинд төдийлөн сайнаар хэлүүлэхгүй байгаа энэ цаг үед хоёр хөршдөө үл ойлгогдохоор үйлдэл гаргаж амиа хоохойлж байгаа У.Хүрэлсүхийн үйлдлийг юу гэж ойлгох вэ.

Үнэхээр МАН-ын даргын, Ерөнхий сайдын суудал тэр хүнд улс орны нэр хүндээс илүү чухал болсныг илтгэх мэт. Ийм хүн Ерөнхий сайд болоод улс удирдаад явна гэвэл би л лав итгэхгүй. Өөрт ашигтай л бол намаа, журмын нөхдөө, байтугай улсаа бодохгүй байгаа хүнд хэн итгэх вэ. Нэг мэдэхэд улсаа худалдчихаад эхнэрээ эмчлүүлнэ гээд яваад одох ч юм билүү. Төрийн ажил хийх хүсэлгүй байгаа бол У.Хүрэлсүхээ та Шадар сайдын суудлаа ч сайн дураараа өг!!

ontsloh.mn


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

5 Сэтгэгдэлтэй
Сэтгэгдэлүүд харагдах байдал:

  • Зочин / 2017 04 сар 29/

    Монгол торийн сайд байхын хариуцлагыг ойлгохгуй л дээ. Одоо еронхий сайд болох гээд байгаа юм уу.Битгий инээд хургээд бай.

    Хариулах
  • Ард / 2017 04 сар 25/

    МАХН ыг тарааж намдаа гай таригч энэ овилгогүй этгээдийг яахаараа дээгүүр албанд байлгаад байдаг байнаа.Яг үнэн энэ албан тушаал намууд хамтарч ажиллаж байхад нэг нь нэг нь сайдаа нөгөө нь газраа хийдэг байсан.Одоо огт хэрэггүй.

    Хариулах
  • Ард / 2017 04 сар 25/

    Энэ хүн чинь яаж хоёр гүрэнтэй харьцах нарийн ажлыг хийх чадваргүй хүн гүүд дээ.Цэрэг жагсааж Улаан дарцаг бариад орилоод бай гэвэл харин дөнгөнө дөө.Хүнээ зөв ойлгож дүгнэж сурах хэрэгтэй.Би харин бодож байсан юм .Хоёр том улстай харьцаж бүх зүйлийг хийж чадахад бэрхшээлтэй гэж

    Хариулах
  • Зочин / 2017 04 сар 25/

    Ухнаагийн Хүрэлсүхээр шадар сайд хийлгэнэ гэдэг нь угаасаа гахайнд тогосын өд нааж бүжиглүүлэхтэй адил мунхаг хэрэг л дээ...энэ дүнхүү амитанаас юугаа ч хүлээх билээ

    Хариулах
  • Зочин / 2017 04 сар 24/

    Ерөөсөө нэг нам дангаараа ноёрхож байгаа энэ цаг үед шадар сайдын суудал огт хэрэггүй,энэ бол хэд хэдэн нам хамтарч засаг барихчаа аядаж байхад хэн нэгэнд нь ам хаасан албан тушаал байсан юм,ер инь ганцаараа толгой даагаад албаа аваад явах чадваргүй,баахан орлогч туслахуудын хүч хөдөлмөрийг сорсон м

    Хариулах