Улстөр
・Нийтэлсэн:
Мэргэн охин
・
2017 05 сар 31
・ 18
Өчигдөр МАН-ын бүлэг хуралдаж, гэнэтхэн л Боловсролын сайд Ж.Батсуурийг огцруулах шийдвэр гаргасан байна. Учир нь тэд нийслэлийн тусгай 29-р сургуульд үүссэн асуудал болон 10-р цэцэрлэг, олон захирлуудыг ажлаас нь халсан зэрэг асуудалд түүнийг хариуцлагагүй хандсан хэмээн буруутгажээ. Харин түүний оронд Л.Оюун-Эрдэнийг сайдаар томилох тухай яриа байгаа гэнэ. Сайдыг огцруулах асуудлыг хэлэлцэхдээ МАН-ынхан цэнхэр дэлгэцийн өмнө тавилттай жүжиг тоглоод авлаа.
Тухайлбал, энэ асуудлыг хэлэлцэж байх үеэр тус намын гишүүд "Хүнд хариуцлага тооцуулах нь зөв, хариуцлагаа ухамсарлах ёстой, Боловсролын салбарт үүссэн сургуулиудын асуудлыг таслан зогсоох хэрэгтэй" хэмээн ард олонд таалагдахын тулд хэн ямар үг хэлэх, хэний асуултанд юу гэж хариулах тухайгаа тооцоолон тавилттай жүжиг хийлээ. Ингэснээр Ерөнхийлөгчийн сонгуульд ашигтай сурталчилгаа болж байгаа юм. Яагаад гэхээр тэд Ж.Батсуурь сайдын асуудлыг ярилцахдаа үг өгүүлбэрийнхээ дундуур М.Энхболд дарга бол хүнд албан тушаал өгч чаддаг, авч чаддаг, хариуцлага тооцуулдаг хүн хэмээн тавилттай ярьж байв. Угаас улстөрийн намынхан ийм байдлаар аж төрдөг. Ямар нэгэн нээлттэй хурал зөвлөгөөн мэдээлэл хийх асуудал боллоо гэхэд хэн нь юу гэж хэлэх хэн ямар асуулт асууж, хэн түүнд юу гэж хариулахыг хүртэл урьдчилаад тооцоолчихсон байдаг шүү дээ. Яг тийм л эмгэнэлт тавилтат хошин жүжиг болж өнгөрлөө. Чинзориг гишүүний хэлсэн "Хариуцлага тооцох ёстой. Гэхдээ энэ удаагийн хариуцлага тооцож байгаа асуудал бол эзнээ олсон уу, үгүй юу гэдэгт эргэлзэж байна. Ж.Батсуурийн хувьд Засгийн газрын бүрэлдэхүүнд байгаа ганц ашиг сонирхлын зөрчилгүй гишүүн гэж үздэг. Хэдэн хоногийн өмнө БСШУС-ын дэд сайд асан Ё.Отгонбаярыг Монгол Улсаас АНУ-д суух Онц бөгөөд Бүрэн эрхт Элчин сайдаар 100 хувийн саналаар дэмжсэн. Дэд сайдыг нь дэвшүүлээд Элчин сайдаар томилсон атлаа сайдыг нь огцруулах тухай санал оруулж ирж байгаа нь ёс зүй, зарчимд нийцэж байна уу. Ж.Батсуурийг хүний өмнөөс “цэрэгт мордох гэж байна уу даа” гэж харж байна. Сайдыг огцруулах танилцуулга дүгнэлтийг аваад үзэхэд, ёс зүйн ямар ноцтой алдаа гаргасан эсэх, ямар хуулийг зөрчсөн талаар тодорхой харагдахгүй байна. 29 дүгээр сургуулийн сурагчид эсэргүүцлийн жагсаал зохион байгуулж, хичээл хаялт зарласан нь сайдын эрхлэх хүрээний асуудал биш Нийслэлийн боловсролын газрын даргын харьяанд байдаг асуудал шүү дээ. Нийслэлийн харьяа газартай хариуцлага тооцохгүй атлаа сайдтай нь хариуцлага тооцож байгаа нь хэр оновчтой юм бэ" гэдэг нь байгаа олсон яриа байлаа.
Ямартай ч асуудлыг өнөө өглөө УИХ-ын нэгдсэн чуулганаар хэлэлцэж үүнийг огцруулах шийдвэр гаргалаа. Өөрөөр хэлбэл, Ерөнхийлөгчийн сонгуульд зориулсан пиар, шоу тоглолтынх нь нэгээхэн. хэсэг нь Ж.Батсууриар туг тахих байлаа. Гэхдээ хариуд нь түүнд гайгүй мөнгө, албан тушаал амлачихсан байгаа байлгүй дээ. БСШУС-ын сайд Ж.Батсуурийг огцруулахад АН-ынхан эсрэг кноп дарсан бол МАН-ынхан огцруулахыг дэмжсэн юм. Ингээд БСШУС-ын сайд Ж.Батсуурийг огцруулахыг дэмжсэн болон дэмжээгүй гишүүдийн нэрсийг хүргэж байна.
Г.Наран
Манай сайт танд таалагдаж байвал LIKE хийгээрэй. Танд баярлалаа.