Ц.Бат-Энх: Би ЖДҮ-ийг дэмжих сангаас зээл аваагүй

Улстөр ・Нийтэлсэн: Баярмаа 2018 11 сар 06 ・ 3

МАН-ын нарийн бичгийн дарга Ц.Бат-Энхийг ЖДҮ-ийг дэмжих сангаас 950 сая төгрөгийн зээл авсан хэмээх мэдээлэл цахим орчинд тархсан. Энэхүү мэдээллийг хуурамч хаягаар төлбөр төлж тарааж байгаа. Тэгвэл энэ мэдээллийн талаар эх сурвалжаас тодрууллаа.

Ц.Бат-Энх: “Илтэд гүжирдсэн мэдээллийг уншсан. Бид ЖДҮ-ийг дэмжих сангаас мөнгө зээлээгүй. Мөн тэрхүү худалд мэдээнд нэр дурдагдсан “Мөнгөн Дайван” болон "Монгол дайван" ХХК-д хамааралгүй” гэдгийг хэлж баримтуудыг дөнгөж сая авлаа хэмээн үзүүлсэн юм. 

Тодруулбал, 4.5 тэрбум төгрөгийн хохирол учруулсан гэгдээд байгаа “Монгол Дайван” ХХК-д Ц.Бат-Энх хувь эзэмшдэггүй ажээ.

Мөн Эрдэнэт  хотод Эко хороолол барих 4.5 тэрбум төгрөгийн тендерт "Монгол дайван" ХХК-иар ялж, мөнгийг нь авч алга болсон мэтээр гүжирдсэн байна лээ. Энэ асуудлыг Мөрдөн байцаах газарт шалгаж байгаа гэдэг нь худлаа. "Мөнгөн дайван" ХХК-иар дамжуулан ЖДҮ-ийг дэмжих сангаас 950 сая төгрөг зээлээгүй, энэ асуудлаар цагдаад шалгагдсан асуудал байхгүй хэмээгээд дараах бичгийг бидэнд харуулав.

Өөрөөр хэлбэл Монгол дайван, Мөнгөн дайван гэх төстэй нэр бүхий байгууллагыг өөрт нь хамаатуулж байгаа нь эндүүрэл. Дээрх нэр бүхий байгууллагын үүсгэн байгуулагч ч биш,  хувь эзэмшигч ч биш гэдгийг тэрбээр тайлбарлаж, баримтуудыг үзүүлсэн. 

Ц.Бат-Энхийн нэр хүндийг унагах зорилгоор зохион байгуулалттайгаар ийнхүү нэр төрд халдаж байгаад харамсаж байгаагаа илэрхийлэн энэхүү шударга бус үйлдлийг таслан зогсоохоо мэдэгдэж,  шаардлагатай бол хууль хяналтын байгууллагад хандах болно гэв.


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

3 Сэтгэгдэлтэй
Сэтгэгдэлүүд харагдах байдал:

  • Зочин / 2018 11 сар 07/

    ingd barimttai, notolgootoi gargaad taviach eee, ta nar!

    Хариулах
  • Зочин / 2018 11 сар 07/

    zeel bol ergen tologdoh uchirtai asem aar mongol idsen humuusiig l barij zurgiig n olond delgeesei

    Хариулах
  • Зочин / 2018 11 сар 07/

    avaagui gedgee notlood barimttai gargaad irsen n sain bn shde getel ter monosiin sex erdechimeg 5 terbumiig avsan hernee duugai l baigaad bn.

    Хариулах