Сундуйн Батболд гэдэг улстөрч карьертаа цэг хатгалаа

Улстөр ・Нийтэлсэн: Отгонхүү 2018 11 сар 29 ・ 9

Нийслэлийн Засаг дарга бөгөөд Улаанбаатар хотын захирагч Су.Батболд уржигдар чөлөөлөгдөх өргөдлөө өгчээ.

Су.Батболд өргөдөлдөө Ерөнхий сайдтай үл ойлголцож байгаа учраас ажлаас чөлөөлөгдөх нь зөв гэж шийдсэн хэмээн тайлбарлажээ.

Яг үнэндээ энэ бол зүгээр л шалтаг юм. Шалтгаан нь бол тэс өөр зүйл юм. Тэрийг нь Монгол даяараа мэдэж байгаа.

Өөрөөр хэлбэл, Нийслэлийн Засаг дарга Су.Батболдтой холбоотой бичлэг гэх зүйлийн талаар өмнө нь УИХ-ын гишүүн байсан эмэгтэй тэргүүтэй хэсэг хүн олон нийтийг үзсэн юм шиг болтол ярьсан. Гэвч тэр бичлэг гээч нь байгаа үгүй нь бүү мэд. Ямартай ч Су.Батболдыг түүгээр сүрдүүлсэн нь лав үнэн.

Нөгөөтэйгүүр уржиг­дар түүнийг өргөдлөө өгөнгүүт МАН-ын нөлөө бүхий нэгэн эрхэм Су.Батболд руу мессэжээр зураг илгээж, “…Хэрвээ өргөдлөө өгөхгүй бол энэ зургийг олон нийтийн сүлжээнд тавилаа” гэж дарамталсан гэсэн мэдээлэл бас цацагдлаа.

Энэ мэтээр бичлэг, зураг гэсэн асуудал л яригдаад байгаа юм. Ингэж дарамтлаад байгаа нь үнэн байж мэднэ.

Гэхдээ Су.Батболд ингэж чөлөөлөгдөх өргөдлөө өгсөн нь шууд утгаараа буруу. Тэр тэсэх ёстой байсан юм.

Су.Батболдын амиа бодсон энэ үйлдэл нь маш олон хар үр дагаврыг дагуулна. Гэр бүл, ах дүү хамаатан саднаас нь эхлээд Монголын улс төрд маш том хар нүх ухаад охиж байгаа юм.

Хамгийн түрүүнд тэр улс төрд тоглож буй багаа “алж” байна. Өөрөө хүлээн зөвшөөрсөн, зөвшөөрөөгүй Су.Батболд бол Хотын фракцын, М.Энхболдын л хүн. Саяхныг болтол хотод нөлөөгөө 100 хувь тогтоосоор ирсэн Хотын фракцын нэрийн өмнөөс л Су.Батболд энэ суудалд очсон. Хотын фракц муу нэртэй байж болно. Гэхдээ улс төрд фракц байдаг нь ёс юм.

Тиймээс дээрээ М.Энхболд тэргүүтэй Хотын фракц, доороо Нийслэлийн ЗДТГ-ын газрын дарга нар тэргүүтэй бас л хотын фракцынхны өмнө тэр хариуцлага хүлээж байсан гэсэн үг.

Өнгөрсөн намар Ц.Сандуйг НИТХ-ын даргаас авч хаяад тэр үлдсэн. Уржигдрыг хүртэл Хотын фракцын хот дахь төлөөлөл нь болж байв. Нөгөө талаас Су.Батболд ингэж өргөдлөө өгснөөр үнэн худал нь мэдэгдэхгүй өнөөх бичлэг, зургийг хүлээн зөвшөөрсөн хэрэг болж байгаа юм.

Ингэснээр гэр бүл, ах дүүстээ ямар нэр хоч авчрахаа тэр тооцоолсонгүй. Товчхондоо, үлдэх нэрэндээ томоос том хар толбо наачихлаа. Үр хүүхдүүд, эхнэр  нь яах вэ. Нутаг усандаа нэр хүндтэй ах дүүс нь яах вэ. Су.Батболд тэднийгээ бодсонгүй.

Үүнээс гадна Су.Батболд өргөдлөө өгсний хамгийн том аюул нь Монголын улс төрд өрсөлдөгчөө бичлэг, зурагаар далайлган сүрдүүлж замаасаа зайлуулдаг жишгийг тогтоож өгч байгаа юм.

Хараад байгаарай, цаашид ийм муу аргаар мөн ч олон хүнийг албан тушаалаас нь хөөнө дөө.

Уг нь Су.Батболдын их улс төрд амьдарсан 16 жилийн туршлага нь ийм өргөдөл өгөхгүй байх хатуужлыг өгсөн байх учиртай юм.

Тэрээр энэ дарамт шантаажийг тэсээд гарсан бол улс төрийн баг нь, ойр дотныхон нь нэр цэвэр үлдэж, хамгийн гол нь Монголын улс төрд муухай жишиг тогтохгүй байсан юм. Тэр тэсэх л ёстой байв.

Хэдхэн хоногийн өмнө “…Битгий гүтгээд бай, гүтгэлгээ зогсоо”, “…Бичлэг байгаа бол гаргаад тавь” гээд цод цод хийгээд байсан нь өнөөдөр хаачив.

Яг үнэндээ тэр экс гишүүн эмэгтэй, нэг сайд, бас МАН-ын том албан тушаалтнуудын сүрдүүлээд байгаа бичлэг, зураг бол юу ч биш. Яс юман дээрээ гараад ирсэн ч хүний эрхийн л асуудал шүү.

Ямар нэг зөвшөөрөлгүйгээр хүнийг тагнаж чагнаж, хувийн нууцыг бусдад дэлгэхэд оноодог ял, өгдөг шийтгэл бас Монгол Улсын хуульд бий гэдгийг нөгөөдүүл ч, нөхөр Су.Батболд ч мэдэж байх ёстой.

Өнөөдөр бид XXI зуунд амьдарч байна. Ёс суртахуун, хариуцлагыг хувь хүний эрхээс ялгаж салгаж сурах ёстой.

Тиймгүйгээс Су.Батболдын өргөдлөө өгч, онгойлгосон шантаажны хар нүх рүү мөн ч олон албан тушаалтан ойчно доо. Ийм л үр дүн гарна.

Юутай ч Сундуйн Батболд гэдэг улстөрч өөрийнхөө улс төрийн карьерт ингэж цэг хатгачихав.

Эх сурвалж: “Зууны мэдээ” сонин


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

9 Сэтгэгдэлтэй
Сэтгэгдэлүүд харагдах байдал:

  • Зочин / 2018 11 сар 30/

    Су.Батболд зөв зүйл хийсэн,,, Миеэ-н нэр хүнд бүтэн байвал Батболдынх хамаагүй гэсэн үг үү,, нэр хүндээ бараад суудалдаа суугаад байх ёстой юуу,, Миеэ захиалж бичүүлээд байгаам уу,
    Батболд яиар ч байсан нэр бүтэн гарлаа,
    Миеэ-н хот дахь бүлэглэл нурж байгаа нь үнэн, Эрүүл мэндийн газрын да

    Хариулах
  • Зочин / 2018 11 сар 29/

    Өөрөө огцрох өргөдлөө өгнө гэдэг чинь яригдаад байгаа зураг бичлэг нь үнэн юм байна гэдгийг батлаад өглөө. Пялдагнуудын ярьсан шиг худлаа байсан бол томроод сууж байх байсан шүүдээ. ??????????

    Хариулах
  • Зочин / 2018 11 сар 29/

    ajliig hiij chaddag hun shuu. shahaltand baih shaardlagagui huselt gargasan ni zub.

    Хариулах
  • зочин / 2018 11 сар 29/

    Чадахгүй бол больчих нь зөв,бусад нь сураасай

    Хариулах
  • Зочин / 2018 11 сар 29/

    Юу гэж дээ. Ерєнхий сайдтайгаа, намын даргатайгаа їзэл бодол нийлж ажил чадахгїй, дарамтанд орж байхаар єєрєє хїсэлтээ єгєєд гарах нь маш зєв шїї дээ. Юмыг зєв талаас нь харж сурах хэрэгтэй. Дандаа л буруу талаас нь, муугаар нь харж байдаг.

    Хариулах
  • Зочин / 2018 11 сар 29/

    Ene odoo yu bicheed bna.Mafi deer yarih yumaaanduuraad heveltsen yumuudaa

    Хариулах
  • зочин / 2018 11 сар 29/

    Батболдын зөв.

    Хариулах
  • Зочин / 2018 11 сар 29/

    Санаагаа зөв гаргаж чадсангүй. Уншаад ухахаар яг л янаглан хорлоно гэдэг үг санаанд буухаар л болж. Тийм зураг бичлэг байгааг энэ нийтлэл баталгаажуулчих шив дээ. Өөрөө үгээ хэлтэл нь чимээгүй байсан бол арай дээр байсан болов уу. Даарин дээр давс цацлаа даа " Зууны мэдээ " . ШААБАР

    Хариулах
  • Зочин / 2018 11 сар 29/

    Ene ymar chadvargui survaljlagch ve, yuun ner Tor, Nutag us, nam. Ard tumnii toloolol bolj chadahgui l bol boloo. Olin utgagui ym bichij humuusiin tarhi ugaaj angaij suuhaa boliochee,,

    Хариулах