Германы шүүхэд дуудагдсан генерал, консул хоёр хэн бэ?

Нийгэм ・Нийтэлсэн: Отгонхүү 2020 04 сар 21 ・ 7

Манайхан баллана. Дэлхийг дэлдийлгэнэ шүү дээ. Өнгөрсөн жилийн өдийд шахам Германы хил дээр манай хоёр дипломат ажилтан 70 кг хар тамхитай баригдаж дэлхийн сенсацийг тарьж байлаа.

Тэд бол Туркийн Истанбул дахь Монголын ЭСЯ-ны Ерөнхий кон­сулын газрын дэд консул Б.Баттүшиг, жолооч С.Эрдэнэбаяр хоёр байсан юм.

Монголын дипломатууд албаны автомашинаар 70 кг хар тамхи тээвэрлээд Чехээр дамжаад Германд ирсэнээ хожим нь хүлээсэн байдаг.

Уг хэргийн эргэн тойронд бүр ч хэцүү зүйл өрнөж эхэлсэн талаар жиг жуг мэдээлэл яригдаад удлаа.

Германы Дрездений тойргийн шүүх манай дипломатуудын асуудлыг нэг тийш болгохоор шалгалт хийх явцад тэдний мөрдөн байцаагч, шүүгч, прокуроруудыг ухаан алдуулам баримт, нотолгоо шинээр гарч ирсээр байгаа аж.

Гурван сарын өмнө 2020 оны нэгдүгээр сарын 16-нд Германы “TAG24” мэдээллийн сайтад “Б.Баттүшиг шүүхэд Монголын тусгай албаны даалгавар биелүүлж явсан гэж мэдүүлсэн. Энэ үгийг батлах гэрч болох Германы Эрүүгийн цагдаагийн ажилтан байсан, одоо Чехийн Прага дахь Германы ЭСЯ-нд Цагдаагийн атташегээр ажилладаг Уве.Г гэх офицер Чехээс ирлээ” гэж мэдээлсэн.

Үүнээс гадна Дрездений шүүхийн ажил­лагаанд оролцогч мөр­дөгч, прокурорууд Б.Бат­түшигийн гар утасны мэ­дээл­лийг бүрэн авч чадсан гэх мэдээлэл бас бий.

Ер нь бол Б.Бат­түшигийг тойрсон асуудал дээр хар тамхины наймааны цаад эзэн нь Монголын төр болчих гээд байгаа аюул дохиолоод байгааг эх сурвалжууд хөндсөөр байгаа юм.

Тэгвэл Туркийн ерөнхий прокурор манай улсын Гадаад харилцааны сайд Д.Цогтбаатарт нэгэн захидлыг илгээсэн байна. Туркийн ерөнхий прокурор тус улс дахь манай Ерөнхий консул Б.Энхмөнх, техникийн ажилтан Б.Алтансүх нараас байцаалт авах хүсэлтэй байгаагаа уг захидлаар илэрхийлжээ.

Туркийн Прокурорын газраас Ерөнхий консул Б.Энхмөнх, ажилтан Б.Алтансүх нарт Эрүүгийн хэрэг нээсэн гэнэ. Хамгийн гол нь тэднийг Туркийн хар тамхины бүлэглэлд элсэж, хар тамхи тээвэрлэж, худалдсан гэх хэрэгт хэмээн буруутгаж буй бололтой.

 

Туркийн TimeTurk мэдээллийн сайтад “Гэмт бүлгийнхэн хар тамхи тээвэрлэхдээ Монгол Улсын Ерөнхий консулын газрын эзэмшлийн автомашиныг ашигладаг байсан. Хар тамхи хүргэх ажлыг Монгол Улсын дипломат паспорттой Б.Энхмөнх, Б.Алтансүх нар гүйцэтгэж байсан” гэжээ.

Энд нэр дурдагдаад байгаа дэд консул Б.Энхмөнх нь ТЕГ-ын дарга асан, бригадын генерал Б.Билэгтийн хүү юм байна. Б.Энхмөнх Туркэд сургууль төгсчээ.

Нөгөөтэйгүүр Германы Дрезденийн тойргийн шүүх дээр шалгагдаж буй 70 кг хар тамхины хэрэг, Туркийн ерөнхий прокурорын захидлаар ил болсон генерал Б.Билэгтийн хүүгийн асуудал зэрэг нь хоорондоо холбоотой бололтой. Өөрөөр хэлбэл, дээрх улсууд хар тамхины эсрэг дайнд хамтран ажиллаж манай дипломатуудыг өргөн хүрээтэй шалгах дээрээ тулаад байж магадгүй.

Яагаад гэвэл саяхан Германы нэгэн мэдээллийн сайтад Монголын дипломатуудын хар тамхины хэргийн талаар мэдээлэхдээ “Дрезденийн тойргийн шүүх Монгол Улсаас Ерөнхий консулыг бас нэг генералын хамт дуудахаар болсон” талаар мэдээлсэн байна.

Хэн гээч ерөнхий консул, генерал хоёр вэ гэдэг нь тодорхойгүй ч Герман, Турк хоёрын хамтарсан дайны “дайсан”, эсвэл Б.Баттүшигийн гол гэрч нь дээрх албан тушаалтнууд болж таарна.

Юутай ч Германы шүүхэд Монголоос томоохон албан тушаал хашиж байсан хүмүүс дуудагдлаа. Манайд Турк болон Герман дахь дипломат албатай холбоотой, басхүү хар тамхины хэрэгт ч нэр холбогдсон генерал, консулууд хэд хэд бий. Чухам хэн гэдэг хоёр хүн бэ гэдэг удахгүй тодорхой болох биз ээ. 

 

 

Б.Дамдин-Очир

Эх сурвалж: “Зууны мэдээ” сонин


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

7 Сэтгэгдэлтэй
Сэтгэгдэлүүд харагдах байдал:

  • зочин / 2020 04 сар 21/

    Баттүшиг нь тагнуулын ажилтан гэдгээ хүлээн зөвшөөрсөн болохоор гэрчээр дуудагдах хүн нь түүний дарга генерал Гэрэл байж таарна, тэгж л бичсэн байна лээ, Германы хэвлэлд

    Хариулах
  • бодлын хулгайч / 2020 04 сар 21/

    ЭХ ОРНЫХОО НЭРИЙГ ДЭЛХИЙД ГУТААСАН ГЭМТ ЭТГЭЭДҮҮДИЙГ ГЕРМАНЫ ШҮҮХ ХАТУУ ШҮҮХ НЬ ОЙЛГОМЖТОЙ. ТУСГАЙ АЛБАНЫ АЖИЛТАН ТУСГАЙ ҮҮРЭГ ГҮЙЦЭТГЭЖ ЯВНА ГЭЖ ЯАЖ ХЭЛЖ ЧАДДАГ БАЙНАА. МОНГОЛЫН ТУСГАЙ АЛБЫГ БАС Л ГУТААЛАА. УДАХГҮЙ БҮХ ЮМ ИЛ БОЛНО. ТЭР ҮЕД НЬ ХАРЪЯ. ГАДААД ЯАМАНД БҮТЦИЙН ӨӨРЧЛӨЛТ ХИЙХ ЦАГ НЬ БОЛЖЭЭ

    Хариулах
  • Зочин / 2020 04 сар 21/

    Монгол төрд бугшсан эмгэнэл. Олон жил болж байгаа асуудал байх . Социализмын үед янжуур тамхи зөөдөг байсан, одоо хар тамхи зөөдөг болсон, дараа нь юу зөөх юм болдоо. Гадаадын шудрага хуультай орны хуулийн байгууллага арга хэмжээ авахгүй бол монголчууд арга хэмжээ авч чадахгүй, магадгүй том сүлжээ б

    Хариулах
  • Зочин / 2020 04 сар 21/

    Хурц+1.... бараг л бгаа доо
    ..

    Хариулах
  • Зочин / 2020 04 сар 21/

    сонирхолтой

    Хариулах
  • Зочин / 2020 04 сар 21/

    ГХЯ ялзарсан газар болсон. Билэгт бол алуурчин дээрэмчин. Эх нь хээр алаг бол унага нь шийр алаг гэдэг. Баттулга байгаа цагт Монголын төр ямар ч арга хэмжээ авахгүй. Цөмөөрөө адилхан хулгайч дээрэмчид шүү дээ.

    Хариулах
  • bat / 2020 04 сар 21/

    Чухамдаа монгол төрийн эмгэнэл энэ хүмүүсийг энэ байдалд хүргэж байгаа бусад нь хэдэн тербумаар идээд байхад л шүү дээ энэ хүмүүсийг яалтай

    Хариулах