Нийгэм
・Нийтэлсэн:
Отгонхүү
・
2020 07 сар 23
2020 оны долдугаар сарын 22-ны өдөр хийгдсэн коронавирусийн халдвар илрүүлэх шинжилгээний хариуг танилцуулж байна.
ХӨСҮТ-ийн ерөнхий захирал Д.Нямхүү "Өчигдөр ХӨСҮТ-ийн Вирус судлалын хоёр лаборатори, Дархан-Уул аймгийн салбар лабораторид нийт 426 хүнд коронавирус илрүүлэх шинжилгээ хийлээ. Ингэхэд бүгдэд нь коронавирусийн халдвар илрээгүй. Тодруулбал,
- Долдугаар сарын 21-нд Токио-Улаанбаатар чиглэлийн онгоцоор ирсэн 261 хүний шинжилгээ
- Австралиас ирсэн 48 хүний шинжилгээнд коронавирус илрээгүй.
- Идэвхтэй тандалтын зорилгоор 14 сорьцыг санамсаргүйгээр сонгон авч шинжлэхэд коронавирус илрээгүй. /Тандалтын сорьцыг ГССҮТ, УНТЭ, СБД-ын Нэгдсэн эмнэлэг болон Тэгш-мед өрхийн эрүүл мэндийн төвөөс авжээ/
- ХӨСҮТ-д тусгаарлагдаж байгаа найман хүний шинжилгээ
- Ажиглах байранд буй 60 хүний давтан шинжилгээ
- Алтанбулаг боомтоор орж ирсэн ачаа тээврийн 34 жолоочоос авсан шинжилгээ
- Дархан-Уул аймагт тусгаарлагдсан хоёр хүний шинжилгээнд коронавирус илрээгүй.
34 настай эмэгтэй 15 хоног эмчлүүлэн эдгэрлээ
Коронавирусийн халдвар авсан нэг иргэн эдгэрч, ХӨСҮТ-өөс дараагийн шатны ажиглалтад шилжсэн байна. Энэ талаар ХӨСҮТ-ийн ерөнхий захирал Д.Нямхүү "Тухайн иргэн нь 34 настай эмэгтэй, ХӨСҮТ-д 15 хоног эмчлүүлэн эдгэрлээ.
Монгол Улсад одоогоор батлагдсан тохиолдол 287 байгаагаас 214 нь эдгэрсэн. Эмчилгээнд байгаа 73 хүний 63-ынх нь биеийн байдал хөнгөн, 10 хүн хүндэвтэр байна" гэв.
ХӨСҮТ-д одоогоор 107 хүн эмчилгээ, тандалтад байгаа бөгөөд дараа дараагийн тусгай үүргийн онгоцоор ирэх зорчигчдыг хүлээн авах бэлтгэлээ хийж байгаагаа илэрхийллээ.
Манай сайт танд таалагдаж байвал LIKE хийгээрэй. Танд баярлалаа.