Нийгэм
・Нийтэлсэн:
Отгонхүү
・
2 цагийн өмнө
Хятад улс гаалийн албан татвараа 40 орчим хувиар нэмэгдүүлсэн. Бараа материал ачсан том оврын автомашин тус бүрт 16-17 сая төгрөгийн татвар ноогдуулж байгаа учраас "Монголын хилээр ачаа бараа орж ирэхгүй гацсан" мэдээлэл гарсан. Өнөөдөр буюу 2025 оны 10-р сарын 13-ны байдлаар байдал хэвээр, ямар нэг шийдвэр гараагүй, жолооч нар хүлээлтийн байдалтай хил дээр бөөгнөрөл үүсгэсэн хэвээр байв.
Энэ асуудлаар Гаалийн ерөнхий газраас тодруулахад:
- Монголын талд ачаалал үүсээгүй. Өнгөрсөн долоо хоногийн Пүрэв, Баасан гарагаас эхлээд ачааны машин орж ирэхгүй байгаа нь үнэн. Хятадын талаас импортын татвар нэмэх шийдвэрээ 2 улсын дипломат харилцааны шугамаар урьдчилан мэдэгдэж, албан бичгээр мэдэгдэх ёстой. Тиймээс Гадаа харилцааны яамнаас тодруулах нь зүйтэй гэлээ.
Харин Гадаад харилцааны яамнаас тодруулахад:
-Одоогоор БНХАУ-ын талаас ямар нэг албан бичиг шийдвэр ирээгүй. Урд хил дээр ачаа бараа гацсан мэдээлэл ирээгүй байна гэсэн тайлбарыг өглөө.
БНХАУ хилээр гарч буй бүх төрлийн барааны албан татвараа 40% хүртэл нэмэх шийдвэр гаргасан” талаар албан ёсны эх сурвалжаас гаргасан мэдээлэл байхгүй байна.
Харин 2025 оны 10 дугаар сарын 9-нд Хятад улс хэт хатуу материал, ховор металл, батерейтай холбоотой бүтээгдэхүүнд хатуу экспортын хяналт тогтоосон тухай Xinhua News Agency, China Daily зэрэг Хятадын мэдээллийн сайтууд мэдээлжээ.
Манай сайт танд таалагдаж байвал LIKE хийгээрэй. Танд баярлалаа.