Монгол Улс Бүгд Найрамдах байгуулалд шилжин орсны 91 жилийн ойн баяр өнөөдөр тохиож байна. Тусгаар тогтголын 91 жилийн ойг угтан МАН-аас баярын хурал хийж, нэр бүхий хүмүүсийг Тусгаар тогтнолын одонгоор, Эх орны төлөө медалиар шагнасан юм. Мөн ойн баяраар 1000 гаруй залуус тус намд элсэж, тэдний төлөөлөл 91 залуу тайзнаа батлахаа гардан авлаа.
Энэ үеэр МАН-ын Ерөнхий нарын бичгийн дарга Ж.Мөнхбат өөрийн энгэрийн тэмдгээ шинэхэн элссэн Б.Түвшинтөрт зүүн өгсөн юм.
Ингээд МАН-ын гишүүн болсон Б.Түвшинтөрийн сэтгэгдлээс хуваалцав.
-Өнөөдөр МАН-ын шинэхэн гишүүн болсон таньд баяр хүргье. Ямар учраас энэ намыг сонгох болов?
-Монгол Улсын ууган намынхаан түүхэн ойгоор элссэндээ баяртай байна. Мэдээж улс орныхоо хөгжлийн төлөө зүтгэхийн тулд намдаа элсэж хувь нэмрээ оруулахыг зорьсон юм.
-Залуу хүний хувьд улс орондоо юу хийхээр бодож төлөвлөж байна вэ?
-Миний бие 30 настай олон улсын харилцаа, хуульч мэргэжилтэй. Эх орныхоо хөгжлийн төлөө, Үндсэн хуульд өөрчлөлт оруулах зэрэг бүх талаар намын ажилд оролцоно. Ирэх сонгуульд ч гэсэн намынхаа ажилд гар бие оролцон эрх баригч нам болгохын төлөө зүтгэнэ.
Т.Буянаа
Манай сайт танд таалагдаж байвал LIKE хийгээрэй. Танд баярлалаа.