Эдийн засаг
・Нийтэлсэн:
Мэргэн охин
・
2015 11 сар 30
・ 3
Олон улсын үнэлгээний Мүүдийс (Moody’s) агентлагаас гаргасан мэдээлэлд Монгол Улсын зээлжих зэрэглэл сөрөг хэвээр байгааг дурджээ. Тэд манай улсын өр нэмэгдсэн, гадаад валютын албан нөөц буурч, ердөө 1.4 тэрбум ам.долларт хүрснийг тэмдэглэжээ.
Албан ёсны мэдээллүүдийг үзвэл энэ оны 3-р улирлын байдлаар Засгийн газрын өрийн хэмжээ ДНБ-ий 47 хувьтай тэнцэж байгаа аж. Тэгэхээр хуульд заасан босго болох 58.3 хувьд хүрэхэд ердөө 11.3 хувь дутуу байгаа гэсэн үг юм. Тэгэхээр Монгол Улсын Засгийн газар дахиад 2.6 тэрбум долларын өр нэмж тавибал асуудал хүндэрнэ. Ийнхүү энэ ондоо багтааж 1.3-1.4 тэрбум ам.долларын зээл авахад хууль зөрчихгүй байх нөхцлийг Засгийн газар эртнээс бүрдүүлсэн бололтой. Тэгвэл “Чалко”-д төлөх 350 сая долларын өрийн үлдэгдэл, “Рио Тинто”-д төлөх өр, төрийн өмчит компаниудын өр зэрэг нь Засгийн газрын өрийн дүнд ороогүй байна.
Гэтэл сүүлийн үед Монголбанк БНХАУ-аас 1.9 тэрбум ам.доллартай тэнцэх хэмжээний юанийг Своп хэлцэл нэрийн дор жилийн 4.5-аас 5 орчим хувийн хүүтэйгээр зээлж авсан гэх мэдээ дуулдах болов. Тэд энэ талаараа УИХ-д мэдээлээгүй нь гайхал төрүүлнэ.
Мөн Монгол Улс урд хөршөөсөө нэг тэрбум долларыг 20 жилийн хугацаатай, жилийн хоёр хувийн хүүтэйгээр зээлж авахаар болсон нь ихээхэн шүүмжлэл дагуулаад байна. Өдгөө манай улсын гадаад өрийн хэмжээ нийтдээ 21.7 тэрбум долларт хүрчээ. Үүнийг энгийнээр тайлбарлавал Монгол Улсын харьяат нэг хүнд ногдох өрийн хэмжээ 6300 доллар буюу 12 сая төгрөгт хүрсэн гэсэн үг. Гэхдээ үүнээс Засгийн газрын тавьсан өр 5 тэрбум гэж албаны хүмүүс ярьдаг. Зарим эдийн засагчид энэ өр 6.5 тэрбумд хүрсэн гэж ярьцгааж байна. Өөрөөр хэлбэл, Засгийн газрын тавьсан өр яг хэд байгаа нь одоо болтол тодорхой бус хэвээр байна. Сүүлийн 3.5 жилийн хугацаанд эрх баригчид 9.6 тэрбум доллар байсан гадаад өрийг 21.7 тэрбум болгон өсгөж чадсан аж.
Үргэлжлэлийг эндээс уншина уу
Манай сайт танд таалагдаж байвал LIKE хийгээрэй. Танд баярлалаа.