Нийгэм
・Нийтэлсэн:
Мэргэн охин
・
2017 06 сар 19
Ахмад настны нийгмийн хамгааллын тухай хуульд нэмэлт өөрчлөлт оруулж “Насны хишиг” олгодог болсон. Энэ дагуу Цагаан сар, Үндэсний их баяр наадмын өмнө олгож байхаар болсон юм. “Насны хишиг”-ийг 65 ба түүнээс дээш настай ахмадууд авдаг. Өнгөрсөн хоёрдугаар сард 51500 ахмад настанд 4 тэрбум 200 сая төгрөгийн тэтгэмж олгосон байна.
Тэгвэл одоо Үндэсний их баяр наадмын өмнө “Насны хишиг” олгоно. Цагаан сараар насны хязгаарт хараахан хүрээгүй байсан ч одоо нөхцөлүүдийг хангасан бол харьяа газрынхаа халамжийн мэргэжилтэнд хандах боломжтой аж. Харин долдугаар сарын 11-нээс хойш төрсөн ахмадууд энэ жил авах боломжгүй аж.
Насны хишиг олгохдоо:
- 65-69 настай ахмадад 50 мянган төгрөг
- 70-79 настай ахмадад 80 мянган төгрөг
- 80-89 настай ахмадад 150 мянган төгрөг
- 90 ба түүнээс дээш настай ахмадад 250 мянган төгрөг
Манай сайт танд таалагдаж байвал LIKE хийгээрэй. Танд баярлалаа.