Нийгэм
・Нийтэлсэн:
Мэргэн охин
・
2017 07 сар 08
Зарласан ёсоор өнөөдрөөс эхлэн “Дүнжингарав”, “Драгон”, “Мишээл”, “Оргил” төвүүдэд наадмын тасалбар, автомашины зогсоолын зөвшөөрлийг худалдаж эхэллээ. Төв цэнгэлдэх хүрээлэн 12 мянга 300 орчим суудалтай. Нийт борлуулах тасалбараас 3000 гаруйг нь жуулчдад зориулсан бол үлдсэн 9000 гаруй тасалбарыг иргэдэд борлуулна гэсэн. “Дүнжингарав” худалдааны төвд өнөөдөр 1000 тасалбар борлуулах аж. Тасалбар авах гэсэн иргэд өчигдөр оройноос эхлэн дугаарласан байна. Нэг хүнд хоёроос илүүгүй тасалбар олгоно гэдгийг борлуулж байгаа хүмүүс сануулсан гэнэ. Тасалбар борлуулах дээрх цэгүүд маргааш мөн ажиллана. Наадмын тасалбарын үнийн хувьд 16-24 мянган төгрөг байгаа юм. Машины зогсоолын тухайд долоон төрлөөс сонгож авах бөгөөд нэг хүн 1-2 зөвшөөрөл авах боломжтой. Үнэ байрлалаасаа шалтгаалаад 10-25 мянган төгрөг байгаа гэж албаныхан мэдээллээ.
Манай сайт танд таалагдаж байвал LIKE хийгээрэй. Танд баярлалаа.