Нийгэм
・Нийтэлсэн:
Мэргэн охин
・
2017 07 сар 10
УИХ-ын дарга М.Энхболд өчигдөр “УИХ-ын ээлжит бус чуулган товлон зарлах тухай”, “Ажлын хэсэг байгуулах тухай” хоёр захирамж гаргалаа.
Эхний захирамжид Монгол Улсын Их Хурлын ээлжит бус чуулганыг 2017 оны долоодугаар сарын 10-ны өдөр өнөөдөр зарлан хуралдуулж,
1. Монгол Улсын Ерөнхийлөгчөөр сонгогдсон гэж үзэж бүрэн эрхийг нь хүлээн зөвшөөрөх тухай хуулийн төсөл
2, “Монгол Улсын Ерөнхийлөгчийн тангараг өргөх тов тогтоох тухай” УИХ-ын тогтоолын төсөл хэлэлцэхээр заасан байна.
Уг тогтоолд ээлжит бус чуулганыг 10-ны өдрийн даваа гарагийн 09.00 цагт эхлэхээр товложээ.
Хоёр дахь захирамжаар Монгол Улсын Ерөнхийлөгчөөр сонгогдсон Халтмаагийн Баттулгын тангараг өргөх ёслол, хүндэтгэлийн ажиллагааны бэлтгэлийг хангаж, зохион байгуулах үүрэг бүхий Ажлын хэсгийг УИХ-ын дэд дарга Я.Санжмятаваар ахлуулан байгуулжээ.
Ажлын хэсгийн нарийн бичгийн даргаар УИХ-ын Тамгын газрын ерөнхий нарийн бичгийн дарга Ц.Цолмон ажиллах бөгөөд гишүүдийн бүрэлдэхүүнд УИХ-ын гишүүн Н.Энхболд, Д.Эрдэнэбат, Ш.Раднаасэд, Б.Саранчимэг, С.Эрдэнэ нарын хүмүүс багтжээ.
Манай сайт танд таалагдаж байвал LIKE хийгээрэй. Танд баярлалаа.