Нийгэм
・Нийтэлсэн:
Мэргэн охин
・
2017 07 сар 19
・ 26
Монгол Улсын Ерөнхийлөгчийн Тамгын газрын дарга З.Энхболд УИХ-ын дарга М.Энхболдод зарим Элчин сайдуудыг эргүүлэн татах асуудлаар зөвшилцөхөөр өнөөдөр албан бичиг хүргүүллээ. Уг албан бичигт “Монгол Улсын Ерөнхийлөгч Монгол Улсын Үндсэн хуулийн Гучин гурдавдугаар зүйлийн 1 дэх хэсгийн 5-д заасныг үндэслэн Монгол Улсаас Их Британи, Умард Ирландын Нэгдсэн Вант Улсад суугаа Элчин сайд С.Баяр, Шведийн Вант Улсад суугаа Элчин сайд М.Энхсайхан нарыг эргүүлэн дуудах асуудлыг Улсын Их Хуралтай зөвшилцөхөөр хүргүүлж байна” гэсэн байна.
Эргүүлэн татах өндөр магадлалтай хүмүүсийн тоонд С.Баярын нэр зүй ёсоор орж байгаа. Түүний оффшор данс, ихээхэн хэмжээний мөнгө угаасан байж болзошгүй зэрэг зөрчлүүд ч байдаг боловч хэн ч түүнийг үнэн зөвөөр шалгаагүй өнгөрсөн.
Тодруулбал, 2007 оны 11 сарын 21-нд буюу С.Баярыг Монгол улсын ерөнхий сайдаар томилохын урьд өдөр Баярын том охин Нандин Нью-Йоркийн Манхэттэн төвд орших Флэтайрон (Flatiron) гэдэг индүү хэлбэртэй эртний чамин барилгын ойролцоох тансаг хороололд 1 өрөө байрыг 895 мянган доллараар худалдан авсан байдаг байна. Б. Нандин 2010 оны 5 сараас хойш Манхэттэний тансаг байраа сарын 4,750-4,950 доллараар түрээслүүлж байгаад 2014 оны 5 сарын 5-нд 1,092,500 долларын үнэ хүргэж заржээ.
Тухайн үеийн Ерөнхий сайд С.Баяр 2009 оны 10 сарын 06-нд Оюутолгойн хөрөнгө оруулалтын гэрээнд гарын үсэг зурчихаад, 10 сарын 28-нд буюу хэдхэн хоногийн дараа өөрийн хүсэлтээр ажлаа өгөөд, элэгний өвчнөө эмчлүүлэх нэрийдлээр Канадтай хил залгаа оршдог АНУ-ын Вашингтон мужид очсон түүхтэй.
Харин 2010 оны 2 сарын 9-нд Эрдэнэбилэгийн Сувд гэдэг бүcгүй Ч.Давааням, Даваанямын эхнэр C.Шагдардулам нарын хамт 4516 NE 38th Street, Seattle-University District, WA 98105 хаягтай байшинг 1,290 долларaap худалдан авчээ. Үүний дараа 2012 онд Э.Сувд Вашингтон мужид “Gundel”нэртэй ХХК байгуулж, 2013 оны 1 сарын 10-нд Э.Сувд, Ч.Давааням, Даваанямын эхнэр C.Шагдардулам нар өөрсдийн нэр дээрх байшингaa “Gundel” ХХК-д бэлэглэсэн байна. Түүнийг нь “Gundel” ХХК 1,488,000 долларaap заржээ.
2013 онд Э.Сувд, С.Баяр нар хамтдаа амьдарч байсан Сиэтлийн 5 унтлагaны өрөө, 5 ариун цэврийн өрөөтэй, 510 кв. метр талбай бүхий байраа $4,298,000 зарсан байдаг. Ийм байдлаар хаанаас олсон нь мэдэгдэхгүй их хэмжээний үнэлгээтэй үл хөдлөх хөрөнгүүдийг эргэлдүүлэн мөнгө угаах байдлаар С.Баяр эхнэрүүд болон охидын хамтаар АНУ-д аж төрж түүний эл бизнест Ч.Давааням мөн хоёр дахь эхнэрийнхээ хамт оролцдог гэх мэдэээл бий.
Ямартай ч олон удаагийн зөрчил гаргаса, элчин сайд байж таарахгүй хүн гэгдээд буй тэрээр сонгуулийн өмнө хэвлэлэлд ярилцлага өгөхдөө "Аль ч алба амь биш авч болсон юм чинь өгч болно" хэмээн ярьсан байдаг. ӨӨрийг нь эргүүлэн татна, тэнд удахгүй болсон гэдгээ мэдэж байсан гэсэн үг үү. Эсвэл Х.Баттулга Ерөнхийлөгч болчихоод ийм асуудал тавина гэдгийг урьдчилан тооцоолов уу. С.Баярыг эргүүлэн татах эсэхийг харах л үлдлээ.
Г.Наран
Манай сайт танд таалагдаж байвал LIKE хийгээрэй. Танд баярлалаа.