“Марвел” студийн дараагийн Төмөр хүн буюу “Avengers багийн ахлагч хэмээн нэрлэгдээд буй “Хүн аалз” киноны шинэ анги энэ сарын 2-нд нээлтээ хийсэн. “Spiderman: Far from home” буюу “Хүн аалз гэрээсээ явсан нь” киног өмнөх ангийн найруулагч Жон Ваттс найруулж, Холливудын жүжигчин Том Холанд гол дүрд тоглосон.

Тус бүтээл нээлтээ хийсэн даруйдаа АНУ-ын зах зээлээс 39.3 сая ам долларын ашиг орлого, БНХАУ, Японд гарснаасаа хойш 110 сая ам.доллар цуглуулаад байсан билээ. Тэгвэл “Хүн аалз гэрээсээ явсан нь” кино нээлтээ хийснээс хойш 14 дэх хоногтоо олон улсаас нийт 850 сая ам.долларын ашиг олсон байна.

Сонирхуулахад, Хүн аалзын дүрийг анх Стэн Лий 1962 онд танилцуулсан. Ийн Питер Паркер комикийн дөрвөн алдартай дүр (Superman, Batman, Wolverine, Spiderman)-ийн нэг болсон билээ.