Нурууны өвчнөөс сэргийлнэ
Том хөхтэй байх нь нурууны дээд үеийн өвчлөлийн гол шалтгаан болдог ба энэ нь дасгал хөдөлгөөн хийхэд ч хүндрэл учруулж байдаг. Тиймээс зарим хүмүүс нурууны өвдөлтөө намдаахын тулд хөхний хэмжээгээ багасгахаас өөр аргагүйд хүрдэг юм. Харин та жижиг хөхтэй бол энэ асуудалд санаа зовох хэрэггүй дээ.
2Төрөлхийн эмэгтэйлэг харагдана
Хэн ч хөхнийхөө хэмжээг хүссэнээрээ сонгож чадахгүй. Мөн том хөхтэй бүсгүйчүүд үзэсгэлэнтэй харагддаг боловч жижиг хөхтэй байх нь эмэгтэйлэг байдлыг илүү тодотгодог билээ. Залуус ч мөн адил жижиг хөхийг илүү төрөлхийн бас тачаангуй гэдэгтэй санал нийлдэг юм.
3Худалдан авалт хурдасна
Жижиг хөхтэй бүсгүйчүүдийн хувцасны сонголтод асуудал үүсдэггүй. Учир нь ихэнх хувцасны загварууд том хөхтэй бүсгүйчүүдэд төдийлөн гайхалтай таардаггүй юм. Харин та жижиг хөхтэй бол ямар ч дэлгүүрээс хүссэн хувцсаа авч чадна.
4Илүү сайн унтаж амарна
Том хөхтэй бүсгүйчүүд шөнө дунд зовиуртайгаар тогтмол сэрдэг ба доошоо харж унтаж чаддаггүй.
Харин жижиг хөхтэй эмэгтэйчүүд бүхий л байрлалд тухтай унтах боломжтой байдаг. Мөн массаж хийлгэх, наранд бие шарж хэвтэхэд ч таатай байх нь мэдээж.
5Биеийн харьцаандаа сэтгэл ханамжтай бай
Тэнцвэрт галбир нь биеийн харьцаанаас шууд хамааралтай. Өөрөөр хэлбэл та хөх томруулах мэс ажилбарыг хийлгэснээр яг л том хөхтэй хиймэл хүүхэлдэй шиг харагдана. Тиймээс жижиг хөх таныг илүү дур булаам харагдуулдаг гэдэгт итгэлтэй байгаарай.
6Туранхай харагдана
Хэдийгээр та бага зэрэг жин ихтэй, 15 инчийн /L размер/ жийнс өмсдөг байсан ч жижиг хөх таныг гоолиг мэт харагдуулах болно шүү.
7Хөхний даруулгын мөнгөө хэмнэнэ
Том хөхтэй бүсгүйчүүдэд хөхний даруулга худалдан авахад олон асуудал тулгардаг. Учир нь том хэмжээтэй хөхний даруулга жижиг хэмжээтэй хөхний даруулгаас илүү үнэтэй байдаг ба ихэвчлэн энгийн загвартай байдаг аж. Харин жижиг хөхтэй бүсгүйчүүд хэтэвчээ хоослолгүйгээр төрөл бүрийн загварын хөхний даруулгыг сонгон хэрэглэж чаддаг юм.
8Унжихаас зайлсхийнэ
Хөх унжих асуудал эмэгтэй хүн бүрд л ямар нэгэн байдлаар тохиолддог. Гэсэн хэдий ч том хөх нь жижиг хөхнөөс илүү амархан бас хурдан унждаг байна. Том хөхтэй найз бүсгүйчүүд чинь 30 нас хүрээд хөх унжих асуудалтай тулгарах бол, та 50 нас хүртлээ үүнээс айх шаардлагагүй юм.
Дээрх шалтгаанууд таны хөх томруулах мэс заслын талаарх бодлыг мартуулна гэдэгт итгэлтэй байна. Түүнээс гадна суулгац нь олон төрлийн сөрөг үр нөлөөтэй байдгийг санах хэрэгтэй юм.
Тэгэхээр өөрийгөө хайрла, өөрт байгаа зүйлдээ сэтгэл хангалуун бай. Нэмж дурдахад, том хөхтэй бүсгүйчүүд жижиг хөхтэй байсан ч болоосой гэж хүсдэг юм шүү.