1Зангирал, булдруу
Таны биеийн аль нэг хэсэгт шалтгаангүйгээр бөөгнөрсөн хатуу зүйл овойж гарч ирвэл хавдрын шинж тэмдэг байж болзошгүй. Тодруулбал, таны хөх, төмсөг, булчирхай, булчин, шөрмөс гэх мэтийн зөөлөн эдэд иймэрхүү бөөгнөрөл ажиглагдаж, цаашдаа хэмжээ нь томорч байвал тэр даруй эмчид хандаарай.
2Төмсөгөнд гарах өөрчлөлт
Таны төмсөг мэдэгдэхүйц томрох, өөр өөр хэмжээтэй болох, дотор нь хатуу зангирал үүсэх зэрэг шинж тэмдэг илэрч байвал төмсөгний хавдар байж болзошгүй бөгөөд дийлэнхдээ өвсөр, дунд насны залууст тохиолддог.
3Шээсэнд өөрчлөлт гарах
Байн байн бие засах, алхахад өвдөх, шээс болон өтгөн нь цустай байх зэрэг нь давсаг, түрүү булчирхайн хавдрын шинж тэмдэг байж болзошгүй. Мөн өтгөн хатах, гүйлгэх зэргээр ч илэрч болно.
4Арьсанд өөрчлөлт гарах
Хэрвээ та олон цагаар гадаа ажилладаг, наранд түлэгдэж байсан бол арьсаа дахин нэг шалгаж үзээрэй. Цус гарах шарх эдгэрэхгүй байх, үү, батганы өнгө, хэлбэр, хэмжээ өөрчлөгдөх зэрэг нь арьсны хавдрын шинж тэмдгүүд юм.
5Залгихад хүндрэл гарах
Удаан хугацааны туршид хоолой цээжээр өвдөх, хоол шингэхгүй байх, залгихад хүндрэлтэй болох зэрэг нь залгиур хоолой, бүдүүн гэдэс, улаан хоолойн хавдрын шинж тэмдэг байж болох тул яаралтай эмчид үзүүлээрэй
6Бөгшүүлэх
Хэрэв та тамхи татдаггүй байсан ч гэсэн 3-аас дээш 7 хоногийн турш ханиалгах, хоолой сөөх, амьсгал давчдах, цустай ханиалгасаар байвал уушгины хавдар байх магадлалтай учир мөн л эмнэлэгт үзүүлэх хэрэгтэй.
7Амны хөндий
Тамхи татах, бохь зажлах, шүлсээ хаях үедээ амны хөндийгөө ажиглаж байгаарай. Аман дотор, хэлэн дээр жижиг жижиг цагаан бөөрөнхий зүйлс гарах нь амны хөндийн хавдрын эхэн үе байх магадлалтай. Ямар нэг шалтгаангүйгээр шарх үүсэх, цус гарах, хэл, уруул, хацар хавиар өвчтэй зүйл гарах шинж тэмдгүүд удаан хугацаагаар илрэх нь тийм ч сайн зүйл биш юм.
8Жин хаях
Дасгал хөдөлгөөн хийж, хоолны дэглэм бариагүй байхад огцом турах нь нойр булчирхай, бүдүүн гэдэс, улаан хоолой, уушгины хавдруудын шалтгаан байх магадлалтай.
9Ядралт
Хүүхдүүдтэйгээ тоглох, найз нөхөдтэйгөө гадуур гарч алжаалаа тайлах гэхээр та хэтэрхий их ядарсан, яаж ч унтаж амарсан байнга ядрах мэдрэмж төрөөд байвал цусны хавдар, бүдүүн, нарийн гэдэсний хавдрын шинж ч байж болно.
10Удаан хугацааны өвчин
Удаан хугацаагаар нуруу, толгой, гэдсээр өвдөж, ямар нэг зовиур илэрч байвал эмчид хандаж, оношлуулж байх нь зөв юм. Биеийн аль нэг хэсэгт тогтмол өвчин мэдрэгдэх нь ямар нэг өвчний эхлэл байх магадлал тун өндөр байдаг тул дур мэдэн эм уухаасаа өмнө эмнэлгийн үйлчилгээ авч урьдчилан сэргийлж байгаарай.