Бусад
・Нийтэлсэн:
Мэргэн охин
・
2019 09 сар 23
・ 2
Хүнтэй анх танилцаад гутал руу нь харж, тухайн хүнийг дүгнэдэг хэмээдэг. Ялангуяа эмэгтэй хүний хувьд гутал маш чухал бөгөөд том байр суурь эзэлнэ. Тиймдээ ч бүсгүйчүүд өмсөх гутлаа сонгохдоо багагүй бодох хэрэгтэй болдог ч, зарим тохиолдолд алдаж, хямд харагдах тохиромжгүй гутлыг сонгодог. Өнөөдөр та бүхэндээ бүсгүй таны гутал яагаад хямдхан харагдаад байгаагийн шалтгаануудыг танилцуулж, цаашдаа ийм төрлийн гутал өмсөхгүй байхыг сануулж байна.
Хэт их гялалзсан чимэглэл
Эмэгтэй хүмүүс гялалзсан, чамин зүйлсд дуртай байдаг ч, хэт их чимэглэлээр бүрхсэн гутал сонгохоос татгалзаарай. Учир нь мэдээж эдгээр чимэглэл нь хямдхан байх бөгөөд ганц нэг өмсөөд л мултарч унах тасрах эсвэл элэгдэх гээд асуудал мундахгүй. Тиймээс хэрвээ та гялалзсан зүйлсэд дуртай бол метал загвартай гутал сонгож байгаарай.
Хэт өндөр ултай гутал
Намхан охид маань өндөр өсгийтэй гутал өмсөх хандлагатай байдаг. Гэхдээ намхан байх тусмаа хэт өндөр гутал өмсөх нь үнэхээр онцгүй харагддаг. Нэг ёсондоо биеийн харьцаа алдагдаж харагдана гэсэн үг. Тиймээс өөрийн өндөртөө тааруулж, дундаж өндөртэй өсгийтэй гутлыг сонгож байгаарай.
Олон өнгийг нэг дор нэгтгэсэн
Хэдий таны гутал үнэтэй байлаа ч, олон өнгийг хольж нэгтгэсэн байвал, хямдхан мөн үзэмж муутай харагдана. Тиймээс энгийн боловч классик харагдахуйц гутлыг сонгож байгаарай. Мөн таны гутал 2-оос дээш өнгийг хольж оруулаагүй байх ёстойг анхаар.
Хэт гялалзсан тод өнгийн гутал
Нэг талаараа энэ нь чамин харагдаж болно. Гэхдээ өнгийг нь зөв сонгох хэрэгтэй. Ийм төрлийн лакан гуталнууд хар эсвэл биений өнгөтэй байхад илүү тохиромжтой. Харин улаан буюу тод өнгийн тухайд элгэн эсвэл матте материалтай гуталнууд илүү тансаг, үнэтэй харагддаг гэдгийг санаж яваарай.
Ирвэсийн хээтэй гутал
Ирвэсийн хээтэй гутал сонгох гэж байгаа бол сандал сонирхоорой. Учир нь эрээн хээтэй өндөр өсгийт буюу туфль нь тийм ч сайхан харагдахгүй. Бүхэлдээ таны хөлийг бүрхэж яг л амьтан мэт харагдуулж ч болох юм. Тиймээс хөлийнхөө зарим хэсгийг гаргаж, сандал сонгохыг зөвлөе.
Хэт урт арьсан гутал
Арьсан гутал хэт урт түрийтэй байх тохиромжгүй. Урт түрийтэй буюу сүүлийн үед охидуудын өмсөөд байгаа гуя давсан урттай гуталнууд ихэвчлэн элгэн материалтай байдаг. Тиймээс хэтэрхий урт түрийтэй арьсан гутал авахын оронд богино түрийтэйг сонирхоод үзээрэй. Юм жижиг байх тусам илүү чамин харагддаг шүү дээ.
www.Uchral.com
Манай сайт танд таалагдаж байвал LIKE хийгээрэй. Танд баярлалаа.