1Түүнийг зодох эрх хэнд ч байхгүй

“Зодож байвал зугт” гэсэн үг бий. Өөрийн хүч, албан тушаалыг ашиглаж хэн ч эмэгтэй хүн рүү гар далайх ёсгүй. Найз залуу, нөхөр, захирал, эмч гээд хэн ч байсан таны охинд гар хүрэх ёсгүй гэдгийг санаарай.

2Охинд тань хүргэсэн өвдөлтийг хэзээ ч зөвтгөж болохгүй

“Чи өөрөө буруутай”, “Чи намайг энэ байдалд хүргэсэн” гэх хариултыг хэзээ ч сонсох хэрэггүй. Энэ нь тухайн асуудлыг хүндрүүлэхэд хүргэдэг бөгөөд хариуцлага, шийтгэл хүлээгээгүй нэгэн энэ бүхнийг байж болох зүйл мэтээр хүлээж авна.

3Доромжлолыг тэвчиж болохгүй

Хэн ч түүнийг доромжлох ёсгүй. Энэ асуудал дээр нухацтай хандах хэрэгтэй. Садист хэн нэгэн эхлээд маш болгоомжтойгоор таныг судлах бөгөөд хэрвээ та сэтгэл зүйн доромжлол, дарамтыг үл ойшоож байвал энэхүү байдал нь даамжирч, санхүүгийн хүчирхийлэлд хүрч, эцэс нь танд гар хүрэх болно.  

4Бүх алхмыг ухаалгаар дүгнэх хэрэгтэй

Хэрвээ таны найз эмэгтэй болон та хоёрт ижил зүйл тохиолдож байвал үүнийг хэвийн гэж үзэж болохгүй. Хэн нэгэн тантай зэрлэгээр харьцах байдлыг бүү хүлээн зөвшөөр. Цаг хугацаа өнгөрөх тусам энэ хэвийн зүйл мэт санагддаг. Гэтэл үнэн хэрэгтээ энэ төрлийн харилцаанаас гарахад хүндрэлтэй бөгөөд таныг насан туршид чинь зовоох болно.

5Эмэгтэй хүн санхүүгийн хувьд хараат бус болох хэрэгтэй

Нөхөр нь их орлого олдог байсан ч эмэгтэй хүн санхүүгийн хувьд хараат бус байх хэрэгтэй. Ажил хийх хэрэггүй, гэртээ сууж бай гэдэгтэй санал нийлэх хэрэггүй. Гэр бүлийнхээ төлөө зориулж буй эзэгтэй хүний хөдөлмөрийг хэн ч хэзээ ч үнэлдэггүй гэдгийг санаарай. Жирэмсний чөлөө авах үедээ санхүүгийн хувьд хараат бус байх тал дээр анхаарал хандуулах хэрэгтэй бөгөөд энэ үед эрчүүд ихэнхдээ өөрийн жинхэнэ нүүр царайг харуулдаг юм.

6Сонирхолтой амьдралаар амьдрах хэрэгтэй

Зөвхөн нөхөр болон гэр бүлийн харилцаанд бүх анхаарлаа хандуулах хэрэггүй. Бүсгүйчүүд сонирхолтой амьдралаар амьдрах хэрэгтэй бөгөөд үүнд спорт, ажил, хобби, найз нөхөд, хувийн орон зай зэрэг багтана. Амьдралд урьдчилан таамаглаж, мэдэх боломжгүй олон зүйл тохиолдоно. Хэрвээ та сонирхолтой амьдралын хэв маягаар амьдарч чадвал амьдралд тохиолдох хүндрэлүүдийг хялбархан туулж чадна.

7Ямар ч үнээр хамаагүй амьдралаа авч үлдэх гэж хичээх хэрэггүй

Хэдийгээр гэр бүл, нөхөр, хүүхэд амьдралын хамгийн чухал зүйл ч эмэгтэй хүний аз жаргал, амьдралын зорилго нь хамгийн чухал. Бүсгүй хүн амьдралаа хэрхэн босгох талаар сонголтыг өөрөө хийх хэрэгтэй. Өөрийгөө аюулгүй гэдгийг мэдрэх нь эмэгтэй хүний хувьд бүхнээс дээгүүр байх ёстой.