Бусад
・Нийтэлсэн:
Отгонхүү
・
2020 09 сар 17
・ 4
Тамирчин хүний хувьд тэсвэр хатуужил, сахилга бат хамгийн бат байх хүмүүсийн нэг.
Тэгвэл тамирчны нэрийг гутаасан гэмээр үйлдэл гаргасан нэгэн хэргийн баримт цахим сайтуудаар таржээ.
Хэргийг тодруулбал, өнгөрөгч наймдугаар сарын 27-ны өдөр нийслэлийн Баянгол дүүрэгт байршилтай нэгэн караокед төрсөн өдрөө тэмдэглэж байсан тамирчид тус газрын хамгаалагчийг үлэглэн зодож, танхайрсан гэх хэрэг бүртгэгдсэн байна.
Цагдаагийн байгууллагад бүртгэгдсэн мэдээллээр энэ хэрэгт жүдогийн тамирчин гэх Т, М болон БОАЖЯ-ны ажлын албаны дарга Э нар холбогджээ.
Тэд хэрэг гардаг өдөр нэлээд их согтуурсан байсан бөгөөд тус караокены хамгаалагчийг өрөөндөө дуудаж оруулж үг хэл амаар доромжилж, өмсөж явсан гутлаа үнсэхийг шаарджээ. Харин тэдний энэ ёс бус шаардлагыг биелүүлээгүй хамгаалагч залууг бүлэглэн зодсон байна.
Түүнчлэн тухайн ажилтны гэзгийг хуйхнаас тасалжээ. Энэ мэтээр биедээ их хэмжээний хохирол амссан уг залуу гол судасны аневризм буюу хуулрал, хоёр талын гүрээ, артерын судасны хуулралтай гэсэн гэмтлийн онош гарч, Улсын гуравдугаар төв эмнэлэгт эмчилгээ хийлгэсэн байна. Уг нош нь амь насанд аюултай тул эмч нарын хурлаар оруулж, яаралтай журмаар гол судасны хавхлага солих, хиймэл судас сэлбэх хагалгаанд оруулах шаардлагатай гэж үзжээ.
Гэтэл шүүх шинжилгээний хүрээлэнгийн мэргэжилтэн нь энэ оношийг нь үгүйсгэсэн аж. Тиймээс хохирогчийн ар гэрийнхэн шинжээчийг дахин томилуулах хүсэлт гарган энэ хэргийн үнэн зөвийг олохоор хэвлэлд хандаад байгаа аж.
Манай сайт танд таалагдаж байвал LIKE хийгээрэй. Танд баярлалаа.