Нийгэм
・Нийтэлсэн:
Отгонхүү
・
2022 04 сар 23
Улсын хэмжээнд өнгөрсөн хоногт коронавирусийн халдварын 30 тохиолдол шинээр бүртгэгджээ. Үүний 25 нь Улаанбаатар хотод, 5 нь орон нутагт илэрсэн байна.
Эрүүл Мэндийн Яамнаас мэдээлснээр өнөөдрийн байдлаар коронавируст халдварын улмаас 189 хүн эмнэлэгт, 595 хүн гэрийн хяналтад эмчлүүлж байгаа нь халдвар огт байхгүй болоогүйг илтгэж байна.
Эмчлүүлж буй иргэдээс 10-ынх нь биеийн байдал нэн хүнд байгаа бол хүнд оноштой 55, хүндэвтэр 117, хөнгөн оноштой 7 хүн байна.
Орон нутгийн хувьд Архангай аймагт 1, Дархан-Уул аймагт 1, Өмнөговь аймагт 3 тохиолдол бүртгэгджээ.
"Коронавируст халдварын шинэ хувилбарууд гарч, вирус мутацлагдах эрсдэл бий. Тиймээс хувь хүн бүр өөрийнхөө эрүүл мэндийг хамгаалж хариуцлагатай байх хэрэгтэй. Маскийг бүрмөсөн зүүхээ боль гэж одоогоор зөвлөхөд эрт байна" хэмээн мэргэжилтнүүд зөвлөж байна.
Гэхдээ хэрэглэсэн маскаа удаан хугацааны турш халаасандаа хадгалж, дараа нь дахин зүүх нь хамгаалалт бус харин ч илүү сөрөг үр дагаврыг бий болгодог аж.
Манай сайт танд таалагдаж байвал LIKE хийгээрэй. Танд баярлалаа.