Спорт
・Нийтэлсэн:
Мэргэн охин
・
2015 07 сар 07
・ 10
Улсын баяр наадам болоход хэдхэн хоног үлдээд байна. Наадам тулсан энэ үед хоёр Дархан аваргын хэн нь зүүний магнайд гарах асуудал эцэслэн шийдэгдээгүй байгаа. Хоёр аварга хоёулаа л зүүний магнайд гарна хэмээн байр сууриа илэрхийлж байна. Харин Үндэсний Бөхийн холбоо асуудлаа шийдэж чадахгүйд хүрч, баяр наадмын комисс руу шидсэн. Гэсэн ч шийдвэр нь хууль, журмаа л дагана гэсэн бөөрөнхий шинжтэй гарсан юм. Амжилтаар нь эрэмбэлнэ гэсэн журам дагах уу. Дархан аварга цолтныг эрэмбэлэхгүй гэсэн журмаараа явах уу гэдэг нь ч тодорхой биш байгаа юм. Тэгвэл өчигдөр Дархан аварга А.Сүхбат зарим бөх судлаачдын хамтаар хэвлэлийнхэнд хандлаа. Энэ үеэр түүнтэй ярилцсан юм.
-Баяр наадмыг зохион байгуулах хорооноос журмаа дагана гэсэн шийдвэр гаргах шиг боллоо. Энэ шийдвэрийн дараа та хэвлэлийнхэнд хандаж байна. Чухам ямар байр суурьтай байна вэ?
-Юуны өмнө та бүхэнд энэ өдрийн мэнд хүргэе. Бид улсын баяр наадамдаа барилдах гээд, бэлтгэл сургуулилтаа хийгээд байж байна. Хурдан морь, бөх хоёр торгон ирэн дээрээ ирчихсэн хариуцлагатай өдрүүд үргэлжилж байгаа. Энэ бүхнийг би 20 орчим хоног харж явлаа.
Та бүхэн мэдэж байгаа. Өнгөрсөн жил Үндэсний их баяр наадмын хууль өөрчлөгдсөний дагуу Далай аварга цолыг чимэг болгосноор Г.Өсөхбаяр аварга бид хоёр Дархан аварга болох нь тодорхой болсон. Ингээд Дархан аварга цол өгсөнд би үнэхээр их баярлаж, төр засаг, ард түмнийхээ хайрласан энэ их өндөр цолыг бахархалтайгаар хүлээж авсан.
Биднийг таяг тулчихаагүй байх насанд энэ цолыг гардууллаа гээд баярлаж явсан. Дархан аварга цол хүртсэнээс дөрөвхөн хоногийн дараа баяр наадам болж, би барилдсан. Би гайхаад, хөтлөгч нь буруу зарлачихав уу гэж бодсон. Гэтэл наадмын комисс, бөхийн салбар хороо, үндэсний бөхийн холбооны хүмүүс эрэмбийг өөрчилсөн байсан. Өнөөдрийг хүртэл . Тийм алдаа гараагүй байна.
ТББ-ын дархан эрх, цол, чимэг олгодог ажлыг төр хариуцаад авчихсан байдаг. . Ерөнхийлөгч зарлиг буулгаж, цол, чимэг олгоно, бас эрэмбийг нь тогтоодог юм. Далай аварга чимгийг Байнгын хороогоор өргөн бариад, УИХ-аар хэлэлцүүлээд, Ерөнхийлөгчийн тамгын газар асуудлыг судалсан байх. Миний хувьд их гайхаж байна. .
-Тэгээд журмаараа явна гээд шийдчихээд байгаа юм биш үү?
-Төр засаг, ард түмний хайрласан энэ цолыг аваад явж байтал гэнэтхэн л Журмаараа явна л гээд байгаа. Ямар журам юм. Яаж шийдэх гээд байгаа нь тодорхой биш л байна шүү дээ.
Одоо болтол хариу нь ирээгүй л байна. Баяр наадмын комисс, бөхийн салбар хороо Г.Өсөхбаяр аваргыг зүүний магнайд гаргана. Бөх сонирхогчид, ард түмэн энэ асуудалд их л бухимдалтай хандаж, хоёр талцсан байдалтай байна. Үүн дээр би тодорхой хариу өгье.
Тийм болохоор эрэмбээрээ Зургаан залуу заан гэгдэж явах үед Ц.Цэрэнпунцаг, Г.Өсөхбаяр, Б.Гантогтох, Д.Сумъяабазар, А.Сүхбат, Б.Ганбат гэж эрэмбэлэгддэг байсан. Би энэ таван заанаасаа тасарч барилдаж, Харин 2001 онд Улс хувьсгалын 80 жилийн ойгоор арслан цолтой барилдсан.
Үргэлжлэлийг эндээс уншина уу
Манай сайт танд таалагдаж байвал LIKE хийгээрэй. Танд баярлалаа.