Монголын тамирчид медалийн тоогоо гурваар нэмлээ

Спорт ・Нийтэлсэн: Отгонхүү 2014 09 сар 28

Азийн зуны спортын XVII наадам БНСУ-ын Инчён хотод өнөөдөр арав дахь өдрөө үргэлжилж байна. Өчигдөр Монголын бөг тамирчдаас чөлөөт бөхийн болон боксын тамирчид медалийн буухиаг үргэлжлүүлсэн юм.

Боксын эмэгтэйчүүдийн 51 кг-ын жинд ОУХМ М.Нандинцэцэг хүрэл медалийн болзол хангаж, мөнгөн медалийн төлөө тулалдахаар шалгараад байгаа билээ.

Мөн чөлөөт бөхийн дөрвөн тамирчин барилдсанаас гурав нь медалийн эзэд боллоо. Эмэгтэйчүүдийн 55 кг-д ОУХМ С.Бямбацэрэн мөнгө, 75 кг-д дэлхийн аваргын мөнгө, хошой хүрэл медальт, Монгол Улсын Гавьяат тамирчин О.Бурмаа, эрэгтэйчүүдийн 97 кг-д Азийн аварга Д.Хүдэрбулга нар хүрэл медаль хүртсэн юм. 

Эмэгтэйчүүдийн 55 кг жингийн алтан медалийн төлөө ОУХМ С.Бямбацэрэн олимпийн гурван удаагийн аварга, дэлхийн 10 удаагийн аварга Японы Саори Йошидатай барилджээ.  Тэрбээр тэмцээний дараа хийсэн хэвлэлийн хурлын үеэр "Анх удаа Азийн наадамд оролцож байна. Шигшээ барилдаанд алдарт Саори Йошидатай барилдлаа. Түүнтэй хоёр дахь удаагаа барилдлаа. Багш нартайгаа зөвлөж, бэлдсэн мэхээ санасандаа хүртэл хийж чадсангүй. Цаашид түүнийг ялах хэмжээний тамирчин болохын төлөө хичээнээ." гэв. Монголын баг тамирчид одоогоор 4 алт, 4 мөнгө, 10 хүрэл, нийт 18 медаль хүртэж, багийн дүнгээр 45 улсаас 11 байрт бичигдэж байна.


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх