Цуст цэнгэлдэхэд эхлээд Элбэгээг...

Нийгэм ・Нийтэлсэн: Отгонхүү 2017 11 сар 30 ・ 5

Ер нь бүгдээрээ ингэж тойрч давхиад яадаг юм. Ромын эзэнт гүрнийх шиг нэг сайхан цэнгэлдэх хүрээлэнтэй болчихъё. Гол талбайд нь цаазын тавцан босгоё. Тэгээд бусармаг хэрэг үйлдсэн нөхдийн толгойг авъя. Баттулга эрхий хуруугаа гозойлгон доош харуулаад л гүйцээ.

Ард нийтээрээ түрхрэн дэмжиж, цус үзээд хашгиралдан цэнгэе. Ерөнхийлөгчийн 27 зөвлөх хамгийн ганган хээнцэр хувцсаа өмсөн төв суудалд тухлаг. 

 

 

А.Баатархуяг "Муу гомо-г цаазал" гэж хашгираад л, гишүүн асан Уянга алга ташин хөөрөгдөөд л, цаазын ялтанг Аса аварга ганц нэг шанаадсан ч яадгийн. Hero Баатар дроноор бичээд л...Өглөө толгойгоо цавчуулах төмөр гинжтэй хэрэгтэнг урд өдөр нь "Цензургүй яриа"-нд гулдарч авчирч байцаагаад л...яагаав нөгөө муу Шийлэгдамбыг хоригдож байхад нь бүлтэлзүүлээд чирээд ирсэнтэй адил...улс нийтээрээ гошгироод л...болж л байгаа биз дээ. Тэртэй тэргүй л ийм жүжиг үзэж суудаг боллоо. Бүтэн сар хүчингийн хэргээр сошиал тархи угаалт явагдаж, эцэст нь Цаазаар авах ялыг сэргээх саналаа эрхэм Ерөнхийлөгч Хууль зүйн яаманд өргөн барьснаар Баттулга үндэсний баатар болж байх шиг байна. Хурц гэж худрагагүй эрээр баахан шоудсаны үр дүнд ТЕГ-ыг Ерөнхий сайдын мэдлээс гаргаж, Ерөнхийлөгч, Үндэсний аюулгүй байдлын зөвлөлийн даргын мэдэлд шилжүүлэх тухай сануулж эхэллээ.

 

Тэр гайтай ТЕГ-ыг нь Төмөр зам барина гэж 250 сая доллар үгүй хийсэн Гансүхэд тушаагаад, Хурцыг буцаагаад даргаар нь тавъя. Энэ янзаараа цаазаар аваачих хүмүүсийн тоо дуусахгүй. Оффшорчдыг жагсааж байгаад нөгөө цэнгэлдэхдээ аваачин ээлж дараалан амийг нь хорооё. Ингэхэд Монгол Улс 2008 онд хамгийн сүүлчийн удаа цаазаар авах ялыг хэрэглэсэн. Цаазын ялгүй улс болсноор олон улсын хоёр ч конвенцид нэгдэж, эрүүгийн шүүн таслах нөхцөл байдалдаа өөрчлөлт оруулсан дэлхийн 105 дахь орон болсон.

 

Тэрнээс хойш 10 жил өнгөрөхөд хэчнээн ч хэрэгтэн амьд үлдэв. Тоог нь гаргаж байгаад өнөө муу Элбэгээгээс өшөөгөө авч бөндгөрийг нь тэр тоолон зандалчны гарт тушаая. Даанч ганц толгойтой хүнийг яалтай вэ. Бүгд нийлээд эхлээд чулуугаар шидэж шийтгэе...За нэг иймэрхүү л үйл явдал үнэн хэрэгтээ сошиал орчинд өрнөөд удлаа. Аль эрт цэнгэлдэхээ барьж босгоод, аль хэдийнэ Баатархуяг алгаа ташаад, Аса аварга ханцуй шамлаад эхэлчихсэн шүү дээ...Цуст цэнгэлдэхийн үүдэнд асар томоор БАТТУЛГА гээд алтаар бичээд наачихсан юм биш үү...нэг толгой өнхрөхөд эхлээд олон хүн нүүр буруулна, айж цочно, айхтар хашгиралдана. Зуу дахь толгой өнхрөхөд баярлан алгаа ташиж, Баттулга Баттулга гэж Цезарийн ард түмэн шиг хөгжилдөн алгаа ташина. Улангасна. Улайрна. Дахиад хэн нэгэн боол цаазлуулаасай гэж хүлээнэ...

 

Үнэндээ би нэг л юмыг ойлгохгүй байгаа юм. Цаазаар авлаа гээд юу өөрчлөгдөх вэ? Ял хүндэрлээ гээд яг ямар ахиц гардаг вэ? Авдарны бол цоожтой нь, амттаны бол чимэглэлтэй нь л ноцолдоод байх юм. Иргэдийнхээ ёс зүй, гэр бүлийн орчин, хүмүүжлийн түвшинтэй хэзээнээс ноцолдож эхлэх вэ??? Гэр бүл салалт, архидалт, ажилгүйдэл ядуурлаас үүдэлтэй, сэдэлтэй гэмт хэргүүд цаазын ялтай ч гарсаар л байх болно. Цаазын ялгүй ч давтагдсаар л байх болно. Бүгдээрээ "Баттулгын сошиал нохдын" барьсан цэнгэлдэхэд очиж хоолой мэдэн орлилдохоосоо өмнө ээж, аавынхаа үүргийг л сайн биелүүлж, үр хүүхдийнхээ хүмүүжилд анхааръя. Тэгэхгүй бол зандалчны сүх ч янзтай ажиллах нь тодорхой болчихлоо. Магадгүй заримдаа хэлмэгдүүлэхийг ч үгүйсгэмгүй ирээдүй айсуй!

 

Р.Эмүжин


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

5 Сэтгэгдэлтэй
Сэтгэгдэлүүд харагдах байдал:

  • Зочин / 2017 11 сар 30/

    за аа ямар инээдтэй юм бэ сэтгүүл зүйн ямар ч боловсрол алга даа МОНГОЛ хүнд амны билиг гэж хүндэлмээр ёс байдаг даа

    Хариулах
  • Mongolchyydiig byryy ydirdsan nehedyydiig zailsgyi syyh chag irjee!: / 2017 11 сар 30/

    Mongol maani eh ezeggyi hyyhed sig bolchihson bna!delhiin ylas ornyydaas hamgiin syyld sajilaj yabna!27 jil Mongolchyyd yu ch byteej chadsangyi ee odoo zaasaa yabah zam ni horogdsoor l bna!enyynd sanaa tabij baigaa hymyys alga?Hydal dygnelt gargaj hii hooson hoorondoo hereldej eh oron ard niiteeree

    Хариулах
  • Зочин / 2017 11 сар 30/

    ENE Eebeegiin zahailsan zyil bna doo

    Хариулах
  • Зочин / 2017 11 сар 30/

    Тэр жил өнөөх мөнгө тараах уралдаанд тэргүүн байр эзлэж,хуурамчаар гэрлэгсэдэд 500000 төг олгож,баахан эцэггүй хүүхэдтэй болсоны хар гай ч байгаал байх.

    Хариулах
  • Зочин / 2017 11 сар 30/

    Монгол гэр бүл салалтын байдалд дүгнэлт хийж энэ асуудлыг аюулгүй байдлын хэмжээнд авч үзэж хуульчлах цаашдаа гэр бүл батжуулах талаар эдийн засгийн дэмжлэг үзүүлэх шаардлагатай байна

    Хариулах