НӨАТ-ын урамшууллын системийн төслийн нэгжийн захирлаар ашиг сонирхлын зөрчилтэй хүнийг томилжээ

Бизнес ・Нийтэлсэн: Отгонхүү 2019 02 сар 03 ・ 3

НӨАТ-ын урамшууллын системийг одоогийн “Гааль, татварын санхүүгийн мэдээллийн технологийн төв” улсын үйлдвэрийн газар хийж гүйцэтгэсэн ба нэмэлт сайжруулалтыг хариуцан ажилладаг байна.

Харин тус системийн төслийн нэгжийн захирлаар ажиллаж байсан Ц.Орхонтамирыг НӨАТ-ын буцаан олголт иргэдэд олгохын өмнөхөн үүрэгт ажлаас нь чөлөөлж түүний оронд өмнө нь энэхүү төсөлд ажиллаж байсан Т.Батбилэгийг томилсон юм.

Т.Батбилэг нь НӨАТ-ын урамшууллын системийн багт 2013 оноос 2017 оны 2-р сар хүртэл ажиллаж байжээ. Тэрбээр ажиллах хугацаандаа 2016 оноос ашиглаж байсан сугалааны программыг дотооддоо хөгжүүлж байсан бөгөөд ажлаас чөлөөлөгдмөгцөө улсын үйлдвэрийн газартай өөрийн эзэмшлийн “Мэдээлэл харилцааны систем” ХХК-тай гэрээ байгуулан хөгжүүлэлтийн ажлыг гүйцэтгэн улсын үйлдвэрийн газарт буцаан худалдсан баримт байгаа юм. Мөн ажиллаж байх хугацаандаа улсын үйлдвэрийн газрын ажилтнуудаар хувийн компанийнхаа хэд хэдэн ажлыг хийлгэж байсан тохиолдол ч гарчээ.

Тэрбээр энэ албан тушаалд томилогдохоосоо өмнө Эрүүл мэндийн даатгалын ерөнхий газар болон Эрүүл мэндийн яаманд технологийн хэлтсийн даргаар томилогдсон ч ажил нь төлөвлөгөөний дагуу явж чадаагүй учир тушаал нь гараагүй байхад өөрөө өргөдлөө өгөөд ажлаасаа гарчээ. Харин үүний дараагаар гэнэт НӨАТ-ын урамшууллын системийн төслийн захирлаар томилогдсон байна. Ашиг сонирхлын зөрчилтэй, хариуцсан ажилдаа эзэн болдоггүй энэ хүнийг яагаад төслийн захирлаар томилох болов? Түүний хувийн компани болох “Мэдээлэл харилцааны систем” ХХК-ийн “Гааль, татварын мэдээллийн технологийн төв” УТҮГ-тай хийсэн гэрээний хуулбарыг хавсаргав. 

Б.Аз

Баримт


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

3 Сэтгэгдэлтэй
Сэтгэгдэлүүд харагдах байдал:

  • Зочин / 2019 02 сар 11/

    НӨАТ-ын буцаан олголтын 8 хувийг нь авдаг болмоор байна.Энэ нь арай шударга байх.

    Хариулах
  • Зочин / 2019 02 сар 11/

    НӨАТ-ын буцаан олголтын 8 хувийг нь авдаг болмоор байна.Энэ нь арай шударга байх.

    Хариулах
  • ТОХИРОХГҮЙ ХҮН БАЙНА / 2019 02 сар 06/


    ЭНЭ ХҮНИЙГ АЖЛААС НЬ ХАЛАХ ХЭРЭГТЭЙ БОЛОЛТОЙ

    Хариулах