Бүсчлэлд хуваахыг хотын удирдлагууд дэмжжээ

Нийгэм ・Нийтэлсэн: Отгонхүү 2019 08 сар 05 ・ 5

Нийслэлийн автозамын хөдөлгөөнийг бүсчлэлд хуваах  тухай  яригдаж эхэлсэн.   Ингэснээр  түгжрэл буурч,  осол, зөрчил багасна гэдгийг ажлын хэсгийнхэн тайлбарлаж байгаа билээ. 

А, B, C бүсчлэлийн тухайд хотын “А” бүсэд автомашиныг улсын дугаарын тэгш, сондгойгоор ангилан хөдөлгөөнд оруулах, “А” болон “В” бүсээр 07.00-17.00 цагт орон нутгийн дугаартай автомашиныг зорчуулахгүй юм байна.  Түүнчлэн техникийн улсын үзлэгт ороогүй, торгуулиа төлөөгүй автомашиныг “А”, “В” бүсэд нэвтрүүлэхгүй байна.

Одоогийн байдлаар манай улсад 871.350 тээврийн хэрэгсэл бүртгэлтэй байгаагаас 501.934 нь нийслэлд автозамын хөдөлгөөнд оролцож байна. Үүнээс 10 ба түүнээс дээш торгуультай 63 мянга гаруй жолооч байгаа гэнэ.  Тэгэхээр торгуулиа төлөөгүй жолооч нар энэ сарын 15-наас бүсчлэлийн дагуу А, B бүс рүү нэвтрэх эрхгүй болно гэсэн үг.  

Замын хөдөлгөөний инженерчлэл зохицуулалтын газрын судалгаагаар, сүүлийн дөрвөн жилд жолооч нарт 4.5 сая ширхэг торгуулийн хуудас бичсэнээс 2.6 сая ширхэг торгууль нь төлөгдөөгүй байгаа юм байна. Мөн Нийслэлийн Замын хөдөлгөөн төлөвлөлт, зохицуулалт, инженерчлэлийн газрын дарга, хурандаа С.Энхтөр “Тээврийн цагдаагийн албанаас хэт өндөр торгуультай, торгуулиа удаан хугацаанд төлөөгүй жолооч нарыг шүүхэд өгнө” гэсэн. 

Тэгэхээр бүсчлэлд хувааснаар торгуулиа төлөөгүй, татвар даатгалаа төлөөгүй бол хотын төв рүү зүглэх ч эрхгүй болж байна.

Бүсчлэлтэй холбоотой олон янзын байр суурь нийгэмд байгаа.  Тэгвэл өнгөрсөн баасан гаригт болсон НИТХ-ын Тэргүүлэгчдийн хуралдаанаар хотын удирдлагууд энэхүү бүсчлэлийг дэмжиж буйгаа илэрхийлжээ. Хотын дарга С.Амарсайхан “Нийслэлийн түгжрэлийг бууруулах, иргэдийг ая тухтай орчинд амьдруулах нь хотын удирдлагуудын үндсэн үүрэг.   Бүсчлэлд хуваах ажил цаг үеийн шаардлагадаа нийцсэн, хүмүүсийн ухамсар, хариуцлагатай уялдсан үр дүн гарахуйц байх ёстой. Харамсалтай нь бид нэг алдаа гаргасан. Үүнийг хэрэгжүүлэхэд ямар ач холбогдол, хэрэгжүүлэхгүй бол ямар хохиролтой юм гэдгийг иргэдэд ойлгуулах мэдээ мэдээллээ сайн түгээгээгүй. Иргэдийн дунд буруу ташаа ойлголт маш их байна. Наймдугаар сарын 15-ныг хүртэл хэд хэдэн хувилбараар санал асуулга явуул. Ингээгүйгээс болж та бүхний мэдээлсэн мэдээлэл замын түгжрэлийг шийдэх бус торгууль хураах ажил болж олон нийтэд харагдаад байна гэжээ.  Харин НИТХ-ын дарга Р.Дагва “1000 хүнд ногдох автомашины тооны хязгаарыг Улаанбаатар хот аль хэдийнэ давсан учраас аль болох л зөв зохицуулалт хийх хэрэгтэй. Ардчилсан нийгэмд хүн бүр хариуцлагатай ажиллаж, амьдрах зарчим байх ёстой. Татвар, торгуулийн төлбөрөө төлөхгүй байж болохгүй. 10-аас дээш удаагийн торгуулиа төлөөгүй 60 мянга гаруй жолоочийг хариуцлагажуулахад анхаарч ажиллах хэрэгтэй байна” гэлээ.

Нийслэлийн удирдлагуудын зүгээс хөдөлгөөний ачааллыг бууруулахын тулд дөрвөн уулзварт шар дөрвөлжин тэмдэглэгээ хийж, таван замыг нэг чигийн хөдөлгөөнд оруулах гээд үе шаттай арга хэмжээ байна. Гэсэн хэдий ч үр дүн муутай байгаа учраас авто замыг бүсчлэн хувааж, жолооч нарыг хөдөлгөөнд оруулах нь зүйтэй гэж үзээд байна.

Т.Сайхан

Эх сурвалж: “Зууны мэдээ” сонин


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

5 Сэтгэгдэлтэй
Сэтгэгдэлүүд харагдах байдал:

  • Зочин / 2019 08 сар 06/

    Зөвөө зөв. Дүрэм журмаа мэддэггүй,зөрчил торгууль ихтэй жолооны мэдлэг чадвар дутуу, муу машинтай,бохир заваан машинаа угааж цэвэрлэдэггүй , замын хөдөлгөөнд бүдүүлэг оролцдогчуудыг ингэж бүсчлэх нь зөв

    Хариулах
  • Зочин / 2019 08 сар 06/

    А бүсийг нь тойрсон замууд дээр жинэхэнэ алаан болох юм байна даа. Тэр замууд нь бүүр илүү түгжирчихээр ер нь дүндээ л дүн болно. Зүгээр л өөрсдөндөө зориулж ийм шийдвэр гаргалаа гээд хэлчихгүй дээ. Тэгэж л их ард иргэдээ бодоод байгаа юм бол хотын захиргааны тэр нүсэр байшиндаа ажиллаж байгаа хүмүү

    Хариулах
  • Зочин / 2019 08 сар 06/

    сайд дарга, хотын удирдлагуудыг түгжрэлгүй зорчуулах гэсэн нэг арга юм уу даа, эд ингэж байхаар хотын захиргаагаа нүүлгээч олон жил яригдсан биз дээ

    Хариулах
  • Монгол хүү / 2019 08 сар 06/

    Хачин юм их үзэх нээ та минь энэ хотын захиргааны цагаан захтай хүмүүс яаж бодохоороо ийм хошин шогийн зүйл бодож байна аа

    Хариулах
  • Зочин / 2019 08 сар 05/

    хамгийн сайн ерөнхийлөгч flag

    Хариулах