С.Баяр: Монгол Улсын төлөө зүтгэхдээ миний хийж чадсан хамгийн том үйлс бол Оюутолгой

Улстөр ・Нийтэлсэн: Отгонхүү 2020 03 сар 20 ・ 33

Монгол Улсын Ерөнхий сайд асан С.Баяр Монгол Улсын Ерөнхий Прокурор Б.Жаргалсайханд нээлттэй ил захидал илгээснийг бүрэн эхээр нь хүргэж байна.

Монгол Улсын Ерөнхий прокурор, Төрийн хууль цаазын тэргүүн зөвлөх Б.Жаргалсайхан Танаа

Эр цэргийн баярын мэнд дэвшүулж, амрыг эрье!

Нийслэлийн прокурорын газраас “Яллагдагчаар татах тогтоолд нэмэлт өөрчлөлт оруулах тухай" гэсэн агуулга бүхий прокурорын гурван тогтоол 2020.03.05-нд надад танилцуулав. Эдгээр тогтоолыг би судлан, Улсын Ерөнхий прокурор танд санал хүсэлтээ бичиж эхлэв.Гэтэл дөрвөн өдрийн дараа буюу 2020.03.09- нд “Яллах дүгнэлтээ гардаж ав” гэж Нийслэлийн прокурорын газраас надад мэдэгдэв.

Эрүүгийн хэрэг хянан шалгах тухай хуулийн (ЭХХШТХ) 32.7-р зүйлийн 1 дэх хэсэгт “...прокурорын шийдвэрийг эс эөөшөөрвөл тоггоолыг хүлээн авсан өдрөөс хойш 14 хоногт дотор дээд шатны прокурорт гомдол гаргах эрхтэй гэж заасан. Миний бие “хуулинд заасан хоногт нь багтаан Ерөнхий прокурорт хандах бодолтой байна” гэж учирлан, энэ тухай албан ёсны хүсэлтээ Нийслэлийн прокурорын газарт өгсөн болно.

 

Гэвч хуулийн заалт түшиглэн гаргасан эл хүсэлтийг маань хүлээж авсангүй. Хэргийг хянаж буй прокуророос мөн өдөртөө 4/606 тоот мэдэгдэх хуудас надад хүргүүлэв. Уг мэдэгдэх хуудас нь “Хүрэлцэн ирж яллах дүгнэлтийг гардан авахгүй бол албадлага хэрэглэх, хариуцлага хүлээлгэх, таслан сэргийлэх арга хэмжээг өөрчлөх” гэх сүрдүүлсэн агуулгатай. Миний бие тогтоосон газар, товлосон цагт нь хүрэлцэн очиж, ЭХХШТХ-ийн 32.10 дугаар зүйлийн 7 дахь хэсэгт “Яллагдагч яллах дүгнэлтийг гардаж авахаас татгалзвал...” гэж заасны дагуу яллах Дүгнэлтийг хүлээж авахаас татгалзсан болно.

Татгалзсан учир нь энгийн. Хоёр жил гаруй мөрдөж хянасан хэрэгтээ яллах дүгнэлт гаргахаас дөрвөн хоногийн өмнө “Яллагдагчаар татах тогтоолд нэмэлт өөрчлөлт оруулах тухай” гэсэн агуулгатай хэд хэдэн тогтоол надад танилцуулсан болоод яллагдагч миний гомдол, хүсэлтийг авалгүй хэргийг шүүхэд шилжүүлэх гэж гэнэт шуурхайлав.

Миний бие хуульд заасан эрхтэй учраас л, эсвэл “гаргахын тулд л” гомдол, хүсэлт гаргах гэсэн юм биш. Яллах дүгнэлт үйлдэж, хэргийг шүүхэд шилжүүлэхээс өмнө нь амжиж хэрэгт хяналт тавих эрх үүрэг бүхий дээд шатны удирдлага нь болох Ерөнхий прокурор танд гомдол, хүсэлтээ хүргэх гэсэн юм. Тэр оролдлого маань бүтсэнгүй. Харамсалтай нь, хуулийн дагуу гаргасан хэд хэдэн гомдол, хүсэлтэд маань иймэрхүү маягаар үндэслэлгүй татгалзсан, хатуурхсан “хариу" барьсан нь цөөнгүй.

Хэргийг шалгах хугацаанд миний бие АТГ-ын мөрдөгчид хандаж дөрвөн удаа, хяналтын прокурорт дөрвөн удаа, Нийслэлийн прокурорт дөрвөн удаа, Улсын Ерөнхий прокурорт хандаж хоёр удаа нийтдээ 14 удаагийн хүсэлт, гомдол гаргасан. Хуулийн хэрэгжилтийг хангах, хяналт тавих үүрэг бүхий прокурор нь хуулиар хамгаалагдсан яллагдагчийн эрхэд хэрхэн хандаж ирсэн нь хүсэлт, гомдлыг маань хянасан байдал, өгсөн хариунаас нь тодорхой. (Миний болон өмгөөлөгчийн гаргаж байсан гомдол, хүсэлт болон тэдгээрт ирүүлж байсан хариуг тус тус хавсаргав).

 

Хууль хяналтын байгууллагад удаа дараа ийнхүү хандахдаа миний бие асуудлыг шуурхай, шударгаар, хуулийн дагуу шийдүүлэх гэсэн бодол, хүсэлтэй байв. Тийм ч учраас 2020.03.05-нд надад танилцуулсан прокурорын тогтоолд агуулагдаж буй зарим илэрхий алдаа, дутуу нягталж шалгасан зүйлд Ерөнхий прокурор таны анхаарлыг хандуулах гэсэн юм. Ингэснээр шүүхээс хэргийг дахин мөрдөн байцаалтад буцааж, улмаар асуудал улам удаашрах, эсвэл дутуу нягталсан яллах дүгнэлтийг үндэслэсэн шүүхийн алдаатай шийдвэр гарч, миний бие хилс хэргээр яллагдах болзошгүй эрсдэлийг багасгана гэж найдсан юм.

 

Миний гэх “хэргийг" танд товч сануулъя.“Ерөнгхий сайд С.Баяр нь Оюу толгойн төслөөс авлига авсан”, “Энэ авлигаараа Америкт олон байшинтай болсон” гэх агуулгатай гүтгэлэг, цуурхал олон жил үргэлжилж, улмаар 2016 оны сонгуулийн өмнө сүрхий гаарсан. Тэдгээрийнх нь хариуд “Намайг мөрдөн шалгаж, үнэн мөнийг тогтоож өгнө үү” гэсэн хүсэлтийг хууль хяналтын байгууллагад би гаргасан. Тэр хүсэлтийн маань дагуу мөрдөн шалгах ажил хийж, улмаар “эрүүгийн хэрэг үүсгэх үндэс, шалтгаан тогтоогдсонгүй” гэсэн хариу прокурорын байгууллагаас надад хүргүүлсэн байдаг. (Тэр хариу танай байгууллагын архивт бий).

Ийнхүү гүтгэлэг, цуурхал сонгуулийн сөрөг сурталчилгааны зориулалттай өрнөөд өндөрлөв гэж бодтол 2017 оны сонгуулийн өмнө улиг болсон мөнөөх сэдвээр гүтгэлэг цуурхал болон жагсаал цуглаан гадаад, дотоодод дахин хийж эхлэв. Өнөөдөр эргээд харахад гүтгэлэг, цуурхал тараах, эрүүгийн хэрэг үүсгэх хоёр амин холбоотой, бие биеэ нөхсөн шат дамжлага байсан аж. Гүтгэлэг, цуурхал тарахаар нь эрүүгийн хэрэг үүсгэсэн юм биш, харин эрүүгийн хэрэг үүсгэхийн тулд гүтгэлэг, цуурхал тараасан юм байна гэж надад ойлгогддог.

 

Монгол Улсын хууль, шүүхийн шударга тогтолцоонд итгэсээр ирсэн миний бие хилийн чанадад хашиж байсан Элчин сайдын албаа орхин, эх нутагтаа ирж уг асуудлыг хоёр дахь удаагаа шалгуулах хүсэлт гаргасан. Хууль хяналтын байгууллагын өмнө ёслол төгөлдөр хүрэлцэн очсон маань “худал үнэн, хар цагааныг минь ялгаад өгнө” гэж найдсаных. Үнэн, хууль хоёрт би итгэсэн. Гэтэл хэргийн гол нь энэ хоёрт байгаагүй юм байна гэдгийг улам бүр ойлгож байна. Хэрэг явдлын гол зорилго нь үнэнд хүрэх биш, харин ч үнэнээс төөрүүлэх санаархал байсан юм биш биз гэх бодол төрсөөр удлаа.

 

Би бол Оюу толгойн гэрээ байгуулсан Засгийн газрын тэргүүн байсан хүн. Монгол Улсын төлөө зүтгэхдээ миний хийж чадсан хамгийн том үйлс бол энэ юм гэж боддог. Бүрэн хүчин чадлаараа ажиллаж эхлээгүй байгаа энэ үйлдвэр нь өдгөө Монгол Улсын маань мянга мянган хүүхэд багачуулын тэтгэмж, өтгөс хөгшдийн тэтгэвэр, төсвийн байгууллагын албан хаагчдын цалин харамжийн томоохон эх үүсвэр болсоор ирснийг дурдахад таатай байна.

Оюу толгой төсөл нь өдгөө манай үндэсний эдийн засаг, бизнесийн том хөдөлгөгч хүч, улсын төсвийн үлэмж хэсгийг бүрдүүлэгч, Монгол Улс дэлхийн санхүүгийн зах зээлээс хөрөнгө босгох хэмжээ, үнэ цэнийг тодорхойлогч гол хүчин зүйл, уул уурхайн шилдэг технологийг нэвтрүүлэгч болсон байна.

Гэхдээ Оюу толгой төслийн ач холбогдлын тухай үүнээс илүүг нуршиж Ерөнхий прокурор таны цагийг үрэх бодолгүй байна. Ганцхан зүйл тэмдэглэхэд, Монголын төрийн бодлого хэрэгжүүлж, Оюу толгой ордыг ашиглах гэрээ байгуулах гэж явахдаа хожим хойно шагнал авна гэж зүтгээгүй. Гэхдээ арай ч онц ноцтой гэмт хэрэгт буруутгагдан ял сонсоно гэж бодож байсангүй.

 

Оюу толгойн гэрээ байгуулсан Засгийн газрын тэргүүн байсан намайг Эрүүгийн хуулийн 20.3 дугаар зүйлд заасан гэмт хэрэг үйлдсэн хэмээн 2018.04.10- нд яллагдагчаар татсан. Энэ зүйл анги нь “Гэмт хэрэг байнга үйлдэж ашиг олох зорилгоор урьдчилан нэгдсэн гурав, түүнээс олон хүнтэй тогтвортой бүлэг байгуулсан, бусдыг элсүүлсэн, татан оролцуулсан, галт зэвсэг, зэвсэг, тусгайлан бэлтгэсэн зэвсгийн зүйлээр хангасан...” гэх агуулгатай агаад, арван хоёр жил хүртэл хугацаагаар хорих ял шийтгэлтэй аж.

 

Дээрх гэмт хэрэгт холбогдуулж намайг яллагдагчаар татсан тогтоолыг хүчингүй болгож, энэ хэргийн баримтыг тусгаарлан, хэрэг бүртгэлтэд буцаажээ. Ингэхээс ч өөр аргагүй биз.Хэргийн материалтай танилцахад дээрх ялыг нотлох ямар ч баримт байсангүй. Ийм баримт угаасаа байх учиргүй бөгөөд, одоо бодоход, цагдан хорих таслан сэргийлэх арга хэмжээ авахын тулд л эрүүл ухаанд багтамгүй эрүүгийн ийм хэргээр намайг яллажээ. Энэ нь миний гэх “хэрэг” нь эхнээсээ л хуулийн гэхээсээ, улс төрийн өнгө аястай асуудал байсны нотолгоо гэлтэй.

“Зохион байгуулалттай гэмт бүлэг байгуулах, түүнд элсэх” хэмээх зүйл ангиар намайг яллан шийтгэх бололцоогүй болсон тул энэ зуур Эрүүгийн хуулийн “Албан тушаалаа урвуулан ашиглах, мөнгө угаах” гэх гэмт хэрэг үйлдсэн хэмээх өөр ял тулгав. Яллагдагчаар татах прокурорын тогтоолд“Оюу толгойн гэрээ байгуулагдах нь тодорхой болмогц... Ерөнхий сайд асан С.Баяр нь өөрийн найз Ч.Даваанямын хувь нийлүүлсэн Петровис ХХК-ийг Айвенхоу Майнз ХХК-тай их хэмжээний үнийн дүн бүхий шатахуун нийлүүлэх тухай гэрээ байгуулуулан албан тушаалаа урвуулан ашигласан, мөнгө угаах гэмт хэрэг үйлдсэн” гэж дүгнэжээ.

 

Энэ бол ноцтой дүгнэлт. Ухаандаа намайг Ерөнхий сайд байхдаа Оюу толгойн төслийгдалимдуулан, гадаад, дотоодын хоёр компанийн хооронд их хэмжээний үнийн дүн бүхий гэрээ байгуулахад албан тушаалаа урвуулан ашиглан нөлөөлж, хууль бус мөнгөн орлого олсон, тэр мөнгөө угаасан гэж яллаж байгаа аж. Энэ дүгнэлт нь ганц ч болов баримтаар нотлогдож байвал миний бие эрүүгийн хуулийн хамгийн хатуу цээрлэл хүлээхэд бэлэн. Энэ бол гарцаагүй. Үүнтэй би огт маргахгүй, заргалдахгүй, элдэв гомдол хүсэлт бичээд суухгүй.

 

Гэтэл намайг ялласан энэ дүгнэлт нь прокурор хянасан хэргийн материалд буй олон баримтаар бэлхнээ няцаагдаж байх юм. Жишээ нь, Петровис ХХК нь аль 2002 оноос эхлэн (намайг ОХУ-д элчин сайд байхад) Айвенхоу Майнз ХХК-д шатахуун нийлүүлж иржээ. Хамгийн гол нь, 2002-2009 онд болон үүнээс хойш энэ хоёр компанийн хооронд байгуулсан гэрээний нөхцөл хэвээр хадгалагдаж, ямар нэгэн нөлөөний улмаас. Ямар нэгэн өөрчлөлт ороогүй нь ил тодорхой байна. Энэ талаар ямар нэгэн эргэлзээ, сэжиг байгаа бол илүү сайн шалгах, нягтлах ёстой баймаар.

Мөрдөн шалгах ажлын явцад ил тодорхой болсон эдгээр баримтыг үл тоосон байхаас гадна дээрх компаниудын ялангуяа Оюу толгой ХХК-ийн зохих албан тушаалтнуудаас гэрээ байгуулах, сунгах үеийн талаарх мэдүүлэг, тайлбар огт аваагүй, мөрдөн шалгах ажлыг бүрэн гүйцэд хийгээгүй атлаа намайг зохиомол энэ хэргээр яллан буруутгахдаа урьтал болгов. Миний гэх “асуудал” нь хуулийн биш, улс төрийн өнгө аястай асуудал болсны өөр нэг нотолгоо нь энэ юм.

Түүнчлэн дээр дурдсан үндэслэлээр Петровис ХХК- ийн хувь нийлүүлэгч, миний найз Ч.Даваанямын сүүлийн 10 гаруй жилд гадаад, дотоодод эрхэлж ирсэн бизнес, хийсэн банкны шилжүүлэг, худалдаж авсан бараа бүтээгдэхүүнийг Монгол Улсын Ерөнхий сайд асан С.Баяр надтай ямар нэгэн аргаар заавал холбох гэж оролдон, яллан буруутгаж байна.

 

Тухайлбал, сүүлийн арваад жил дуулиан болгож буй “АНУ-д байгаа С.Баярын 7 хаус (үнэн хэрэгтээ 9 байр аж)” гэх асуудал байна. АТГ-ын албан хүсэлтээр АНУ-ын хууль хяналтын байгууллагаас ирүүлж, хавтаст хэрэгт хавсаргасан баримтаас үзвэл, миний найз Ч.Давааням, миний охин Б.Нандин, Б.Бадамханд нартай хамтран 2005 оноос эхлэн тус улсад үл хөдлөх хөрөнгийн бизнес эрхэлж ирсэн байна.

 

Оюу толгойн гэрээг үзэглэх байтугай, намайг Ерөнхий сайд болохоос хэдэн жилийн өмнө бизнесийн энэ үйл ажиллагааг өрнүүлж, дээрх байрны ихэнхийг худалдан авч засварлах, түрээслэх, борлуулах ажлыг гүйцэтгэж байсан нь АНУ-аас ирүүлсэн баримтаар нотлогдож байна. Санхүүжилтийг нь Ч.Давааням гаргаж, миний охид түүнд туслангаа олсон ашгийн тодорхой хувь хүртдэг энэ бизнес нь намайг албан ажлаа хүлээлгэж өгсний дараа ч үргэлжилсээр байгаа нь эдгээр баримтаас бас тодорхой харагдаж байгаа болно. Гэтэл үүнийг “Оюу толгойн гэрээ байгуулах үед авсан байж болзошгүй авлигатай” холбох гэж оролдсоор байгаа нь мөнөөх л “улс төрийн өнгө аясыг" дахин сануулна. Эдлээгүй албан тушаалаа “урвуулан ашиглах”, аваагүй авлигын “мөнгө угаах” гэж байх уу?

Эцэст нь дурдахад, миний гэх “асуудал” нь хуулийн хүрээнээс хальж, улс төрийн асуудал болсоор удаж буй нь дараахь ажиллагаанаас харагдана. Надад үүсгэсэн эрүүгийн хэргийн мөрдөн шалгалтын ажиллагааны явцад бүрдүүлж цуглуулсан элдэв баримтын үнэн, худлыг нягтлалгүйгээр хэвлэлд нийтлэх, хуулбарлан улстөрчдөд тараах, С.Баярын үйлдсэн гэмт хэрэг нотлогдсон хэмээн мэдэгдэх зэргээр ‘‘олон нийтийн жигшил төрүүлэх” ажиллагаа явуулсаар ирлээ. Ийм үйл ажиллагааг Монгол Улсын хуулиар хорьсон байдаг. Хууль ийнхүү зөрчигдөж байгаа талаар прокурорын байгууллагад би өөрөө болон миний өмгөөлөгч удаа дараа хандсан боловч ямар нэгэн арга хэмжээ авсангүй өнөөг хүрэв.

 

Монгол Улсын Ерөнхий прокурор, Төрийн хууль цаазын тэргүүн зөвлөх өө!

Монгол Улсын ЭХХШТХ-д заасан “Яллах, цагаатгах, ял хүндрүүлэх, хөнгөрүүлэх нөхцөл байдлыг эргэлзээгүй тогтоох” талаар прокурорын байгууллагад хүлээлгэсэн эрх, үүрэг хэзээ, яаж хэрэгжих юм бол оо?

 

Прокурорын тухай хууль, Эрүүгийн хэрэг хянан шийдвэрлэх хуулиар дээд шатны прокурор нь доод шатны прокурорын шийдвэрийг хянах, өөрчлөх эрх үүрэгтэй байдаг. Үүнийг нь бодоод миний бие энд өгүүлж буй санал бодлоо прокурорын яллах дүгнэлт гарахаас өмнө, тэр дүгнэлтийг нь илүү бодитой, үндэс нотолгоотой болгох үүднээс Ерөнхий прокурор танд хүргүүлье гэж санаж байв. Харамсалтай нь, надаас үл хамаарах шалтгаанаар энэ санаа маань бүтсэнгүй. Хоёр жил мөрдөн шалгаж, хяналт тавьсан хэргээ хуулинд заасан хоёр долоо хоног ч хүлээлгүй, арай л түүхий шүүрхийгээр нь шүүхийн байгууллагад яаран шилжүүлэх шиг боллоо. Үүний цаад учрыг олох гэж бодоод л сууж байна.Бидний өсөж хүмүүжсэн урьдын нийгэмд сайн, муу зэрэгцэн оршиж байв. Одоо ч гэсэн тийм. Хуучин цагт “Октябрийн баярын өмнө энэ объектыг ашиглалтад заавал өгнө” гэсээр хагас дутуу барьсан барилга ч гэлээ дуусгасан болгож рапортлох гэж хүчлэн шамдуулдаг байсныг та санаж байгаа биз. Шинэ цагг аливаа асуудлыг аливаа сонгуулийн өмнө шуугиулах, амжуулах гэж шуурхайлдаг болж.

 

Гэвч амьд хүний итгэл найдлага хамгийн сүүлд арилдаг гэдэг. Прокурорын байгууллага нь хэрэг хянан шийдвэрлэх үйл ажилаагааны аль ч үед, түүний дотор шүүхийн шатанд ч оролцох эрхтэй. Иймээс хэргийг үнэн бодит, бүрэн бүтэн, сайтар нягталсан нотлох баримтад тулгуурлан хуулийн дагуу шударгаар шийдэхэд прокурор хувь нэмрээ оруулна гэсэн найдлага маань арай ч тасраагүй байна. Танай байгууллага хүний эрх, эрх чөлөөг хамгаалах, хараат бус, бие даасан байх зарчим, үүргийнхээ дагуу ажиллана гэдэгт итгэсээр явна.

 

Танд уламжлах гэж бичиж байсан албан ёсны хүсэлтээ захидал хэлбэрээр ийнхүү хүргүүлж буйг минь болгооно уу. Миний гэх “хэргийн” талаар хэт өрөөсгөл, намайг өчиггуй буруутгаж гутгэсэн мэдээлэл олон жил өргөн фронтоор түгээгдэж ирсэн тул өдгөө болж байгаа үйл явцын талаар олон түмэнд үнэн бодитой мэдээлэл үүгээр дамжуулан хүргэх нь чухал санагдана. Иймээс эл захидлаа хэвлэлд нийтлэх бодолтой байна.

“Октябрийн баярын өмнө яаран хүлээлгэн өгсөн, дутуу барьсан объект шиг” арай болчихгүй байх гэж найдаж байна. Гэхдээ бодит үнэн энүүхэн зуур хүчгүйдээд, эвгүй замаар орлоо гэлээ ч, яллагдах өдөр байхад цагаатгагдах өдөр ирнэ, ялагдах өдөр байхад ялах өдөр ирнэ гэдэгт эргэлзэх юм надад алга.

 

 

Хүндэтгэн ёсолсон,

Монгол Улсын Ерөнхий сайд асан, иргэн С.БАЯР

2020 оны 3 дугаар сарын 18-ны өдөр

Улаанбаатар хот


Манай сайт танд таалагдаж байвал LIKE хийгээрэй. Танд баярлалаа.


Сэтгэгдэл үлдээх

33 Сэтгэгдэлтэй
Сэтгэгдэлүүд харагдах байдал:

  • dash / 2020 03 сар 23/

    Ami guij baigaa um baihdaa Archaagui adgiin novsh um daa Iim 2 nuurtei horon hogiin sugnii usnuud yaj mongoliig udirdaj baisan bna aa Mongolchuud bidnii buruu Adgiin shaaruudiig zohih yliin uguud shiliin har Umnuus n ichij uhmeer LALARUUD

    Хариулах
  • Bilegt / 2020 03 сар 22/

    Yamar hurunguur amerikt uchnuun baishin sav avsiin be. Turd zutgesen bish turiig samarsan l bh da

    Хариулах
  • Зочин / 2020 03 сар 22/

    C,BAYR bolon Elbegdortonguud saihan mongol humuusiig maani iim mahchin adguus shig bolson,aguu udirdagchid maani money yaj hanaj tsadahgui busdadaa ar olonondoo ogohgui ideh,busdiigaa yduu bailgaj ovchin zovlond barigdaj uhej baihad gadaadad zugaalj kazino togloj ard tumnee tavlah geed hun shig setg

    Хариулах
  • Зочин / 2020 03 сар 22/

    harin tiim uneheer saihan setgeltei,genen itgemtgii ard tumeng C,BAYAR,ELBEGDORJIINOV geh humuus tuuniig demjigchid iim muuhai mongol bolgojee,tiim uchiraas ted nariig unen shuusnii etsest bidnii mongolchuudad saihan tsag irj,tanii huseed bui shunalgui saihan humuun bii bolno,tantai sanal 1 bn

    Хариулах
  • Зочин / 2020 03 сар 22/

    үнэхээр дутуу сэтгэсэн гэрээ байна лээ. Намчдын хийж чадах зүйл бол ийм л үр дүнд хүргэж байна.

    Хариулах
  • Зочин / 2020 03 сар 22/

    Өөрийг чинь засаг барихад ийм л байсан одоо ч хэвээрээ өөртөө тулахаар ойлгох гэж жүжиглэх хэрэггүй. Ямар олон хүн хэлмэгдэж байгаа билээ юм ойлгосон бол ядаж шударга шүүх прокурортой болох алхам хийвэл монгол улсад хийсэн хамгийн том зүйл болох байх ОТ оос их зүйл шүү

    Хариулах
  • Зочин / 2020 03 сар 21/

    тиймээ хамгийн том хийсэн зүйл Баярцогттой нийлж хахуул авсан явдал гэх нь үү гэсэн чинь Оюутолгой гэнэ ээ

    Хариулах
  • Зочин / 2020 03 сар 21/

    Yoooo mongolchuud yamar muuhai randhintai yumbe hen negniig al bul tal geel oriloldood baihiin. Er ni mongolchuud hvn mun bol uu? Adguusnuud yumbish vv? Aayayaa

    Хариулах
  • Зочин / 2020 03 сар 21/

    Yoooo mongolchuud yamar muuhai randhintai yumbe hen negniig al bul tal geel oriloldood baihiin. Er ni mongolchuud hvn mun bol uu? Adguusnuud yumbish vv? Aayayaa

    Хариулах
  • Зочин / 2020 03 сар 21/

    Mongolchuud bid chini mahchin boljee hen negnii al tal bul geel burhan mini dee mongolchuud chini yasan muuhai ranshintai yum be bid er ni hvn mun vv? adguus yum bish vv?

    Хариулах
  • Зочин / 2020 03 сар 21/

    Davaa hyam nayz hyleehgyi

    Хариулах
  • зочин / 2020 03 сар 21/

    ингээд биччихэд таний санаснаар болноо авилагч шүүх байгаа цагт араг нь олдноо мөнгө байхад

    Хариулах
  • Зочин / 2020 03 сар 21/

    Шударга хууль хууль л хэрэгтэй байна

    Хариулах
  • Зочин / 2020 03 сар 21/

    ОТ н гэрээ Дубайн гэрээгээр офшорчин болж баяжигчид л терсен монголчууд еренд ороод байгааг л дугнэлт гарсан байдаг монголоо гэж ядаж болсон бол телберийг монгол банкуудаараа хийдэг байсан бол ОК байлаа гэтэл ашгаа гадагш нь телбер гаргаж авдагаар хийж монголчуудаа хулхидсан Эхний алхамаа байлаа

    Хариулах
  • mongol / 2020 03 сар 21/

    chamai mongolchuud aldaa gargahad haramsdag Elbegdoriig bol uzen yddag,teruugeeree ta ylgaatai ,harin amidrald shunah setgeliin huvid bol ta 2 2 -uulaal albin chotgoriin huuhduud

    Хариулах
  • MONGOL ulsiin eronhii said asan Sanjiin Bayar / 2020 03 сар 21/

    ene ysan tolgoi ug ni ih nom unshdag gej dongoddog uim,tiim bol yah gej hunees iluu garah gej hor nairuulj,uls toroor mongo hiivdee zugeer l jiriin negen mongol shig amidrah mini yavdaa uind mongoliin hyzgaar nutgiin ulmen tsulmen amidarsan Elbegdorj shig amidrald shunaj odoo ingeed hamag amitanii h

    Хариулах
  • Sanjiin Bayr / 2020 03 сар 21/

    minii mongoliin tord zutgehdee avsan hamgiin tom avilga bol Oiu-tolgoin hahuuli ,bi uurgee guitsetgej chadsan tegehdee Fuck-iin mongolchuudiin toloo bish end tend em huistenuuded goojuulsan uriin shingenuudiinhee toloo uurgee sain guitsetgesen,ted namaig gedeg mongolchuud harin namaig shuumjildeg,bi

    Хариулах
  • Зочин / 2020 03 сар 21/

    нэртэйгээр нь "би Монголын төрд зүтгэхдээ хийж чадсан хамгийн том үйлс бол хэдэн үеэрээ идэх юмтай болсон" гээд биччихгүй дээ

    Хариулах
  • Bayarlalaa / 2020 03 сар 20/

    Mongolyn buh emch bagsh bolon turiin ajiltan tand bayarlaj yavdag shyy. OT baigaagui bol bidnii tsalin 50% bag baihaar blaa.

    Хариулах
  • dash / 2020 03 сар 20/

    Ene novshiig hadgaldag gazar n hadgal Gehdee udaan hadgalah heregteinUuriiguu turd heregtei zairan geed baigaa hun hererg bolj medene Udaan hadgal

    Хариулах
  • Зочин / 2020 03 сар 20/

    ilerhii iim hereg hiichiheed zugeer garna gej bodood bgaamuu, mongoliin huuli diileh esehiig hariy

    Хариулах
  • Зочин / 2020 03 сар 20/

    Монгол эр хүн та нар жаахан жудагтай байвал зүгээрсэн. Ял аваасай гэж тачьяадан хашгирахаасаа өмнө эрүүлээр жаахан бод.

    Хариулах
  • odoo shorondoo uldsen amidaralaa ongoroojj uz sunsnuud harj baigaa / 2020 03 сар 20/

    ooroo hagartalaa bayajij mongoliin ard tumniig yaduuruulj,toriin erh avahdaa mongoliin 6 saihan zaluuchuudiig buudaj alsan MAH iin darga S. BAYAR odoo yalaa edleh tsag bolson doo

    Хариулах
  • Зочин / 2020 03 сар 20/

    БАЯРЫН НАНДИН БАДАМХАННД НАР 2005 оноос АНУ ҮЛ ХӨДЛӨХ ЗАРЖ БАЙСАН ГЭНЭ ҮҮ МОНГОЛЧУУДЫГ ИХ Л ДОРОМЖИЛЖ БНА ДАА ШАНГАА ХҮРТНЭЭ ЧИ

    Хариулах
  • ТЭГЭЭД ЯАГААД МОНГОЛ ГУЙЛГАЧИН УЛС БОЛОВ / 2020 03 сар 20/

    СОНИН ЮМ ШҮҮ. 3,0 ХАН САЯ ХҮНТЭЙ , ДЭЛХИЙН НОМЕР НЭГ АЛТ ЭРДЭНЭСИЙН УУРХАЙТАЙ. 3 ХҮН ТУТМЫН НЭГ НЬ ТУЙЛЫН ЯДУУ, 30 ХАН ГЭР БҮР ХАГАРТЛАА БАЯЖААД МОНГОЛД ХӨРӨНГӨ НЬ БАГТАХГҮЙ АМЕРИКАД 10-20 ХАУС БОЛЧИХСОН Ч БАЙХ ШИГ...

    Хариулах
  • Зочин / 2020 03 сар 20/

    S.Bayar bol jinehen ekh ornoosoo urbagch shanzav daa lam Badamdorjiin uregjlel munuus mun.Yaliin zaaval bier ni edluuleh estoi.

    Хариулах
  • bat / 2020 03 сар 20/

    ОДОО БИДНИЙ ХИЙЖ ЧАДАХ ЗҮЙЛ 2020 оны сонгуулиар ард түмэн минь намчирхал яахав Шинэ нам шинэ хүмсийг дэмжэцгээе хуучин төрийн хуулийн механизм шинэ хүмүүсийг хөдөлгөхгүй энгээд төр зөв ажиллаж ард түмэн хожноо

    Хариулах
  • Зочин / 2020 03 сар 20/

    энхийн цагаан тагтаа болох гэж их л хичээж дээ

    Хариулах
  • хуульч / 2020 03 сар 20/

    баярыг алж болохгүй шүү, эхлээд бүх хөрөнгийг нь хураа..тгд ял эдлүүл ..

    Хариулах
  • Зочин / 2020 03 сар 20/

    За даа инээдмийн зохиол бичих хэрэг байсан юм уу даа. Өөр юу ч хийхэв дээ. Идчихсэн, авчихсан, авлигадчихсан тийм ээ. Үр хүүхэд хойч үее тонон дээрэмдсэн Улс орноо дэлхийн шившиг болгосон авилгачид. Хадаас, хүрзээ хийж чадахгүй байж, цаг нь болоогүй байхад энэ их баялагаа гадныханы мэдэлд өгсөн, Мон

    Хариулах
  • Зочин / 2020 03 сар 20/

    Идэж ууж байхдаа бага ч гэсэн ард түмнээ бодсон бол арай л өөр байх байсан байхдаа!

    Хариулах
  • Зочин / 2020 03 сар 20/

    энэ авилгачин хулгайчууд ямар өрөвдмөөр юм бээ ном зохиогоод л захидал бичээд л үнэн шог гарууд юм аа хууль зөрчөөд эрх мэдэлтэй байх үедээ хэдэн хаус бодож суухаар хуулийн дагуу ажиллахгүй яасан юм бэ новшийн өвөө

    Хариулах
  • Зочин / 2020 03 сар 20/

    ОЮУ толгойн ИХ баялагаас монгол орон бүрэн хүртэхгүй байгаа. ТӨРийн авлигачдын гайгаар хэзээ оногдох хувиа авах нь ч улам тодорхой бус болж байна. ГАДНЫХАН БИДний хувь хүртэхээс өмнө баялагийг урхаад явах байх даа. ТА ард түмнийхээ баялагийг гадныханд найр тавьж өгсөн гавъяатан. МЭДЭЭЖ АВЛИГА босгож

    Хариулах