УИХ-ын найм дахь удаагийн сонгуульд 13 нам, дөрвөн эвслээс нэр дэвшүүлсэн 485, бие даан нэрээ дэвшүүлсэн 121 нийтдээ 606  нэр дэвшигчийг сонгуульд оролцуулахаар бүртгэсэн шийдвэр гарчээ. Сонгуулийн ерөнхий хорооноос өнөөдөр хуулийн хугацаанд нэр дэвшигчдийг батламжилж, үнэмлэхийг нь гардууллаа.

Монгол Улсын Их Хурлын 2020 оны сонгуульд нийт 606 нэр дэвшигч бүртгэгдсэнээс Монгол Ардын Намаас 76, Ардчилсан Намаас 76, Монголын Ногоон Намаас 15, “Та Бидний Эвсэл”/МАХН-ИЗНН-МУНН/-ээс 74, "ШИНЭ Нам, Бүгд Найрамдах Нам, Үнэн ба Зөв Нам, Монгол Үндэсний Ардчилсан Намын ШИНЭ ЭВСЭЛ"-ээс 72, “Зөв Хүн Электорат” эвслээс 53, Ард Түмний Намаас 1, Эрх Чөлөөг Хэрэгжүүлэгч Намаас 13, Хөгжлийн Хөтөлбөр Намаас 7, Эх Орончдын Нэгдсэн Намаас 1, “Сахигтун! Үндсэн хуулийн 19” эвслээс 34, Ард Түмнээ Хайрлая Намаас 1, Зон Олны Намаас 30, Дэлхийн Монголчууд Намаас 3, Ард Түмний Олонхийн Засаглал Намаас 24, Их Эв Намаас 1, Гэр Хороолол Хөгжлийн Намаас 4, бие даагч 121 нэр дэвшигч бүртгэгдсэн. Нийт нэр дэвшигчдийн 455 нь буюу 75,08 хувь нь эрэгтэй, 151 нь буюу 24,92 хувь нь эмэгтэй нэр дэвшигчид байна.

Энэ удаагийн сонгуульд хамгийн олон буюу 38 нэр дэвшигч 24-р тойрог, Сүхбаатар дүүрэгт гурван мандатын төлөө өрсөлдөнө.

Харин тус бүр хоёр мандаттай  Говь- Алтай аймгийн 5-р тойрог, Сүхбаатар аймгийн 12-р тойрогт хамгийн цөөн буюу 10 нэр дэвшигч очиж байна.

 

---

Манай сайт танд таалагдаж байвал LIKE хийгээрэй. Танд баярлалаа.

---

---

Сэтгэгдэл үлдээх

Сэтгэгдэлтэй холбоотой санамж, хүсэлтүүд

Илгээ